ഭുവനേശ്വർ: ഒഡീഷയിലെ ബൗധ് ജില്ലയിൽ കമ്മ്യൂണിസ്റ്റ് ഭീകരരും സുരക്ഷാ സേനയും തമ്മിലുണ്ടായ ഏറ്റുമുട്ടലിൽ രണ്ട് മാവോയിസ്റ്റുകളെങ്കിലും കൊല്ലപ്പെട്ടതായി പോലീസ് അറിയിച്ചു. വ്യാഴാഴ്ച പുലർച്ചെയാണ് ഏറ്റുമുട്ടൽ നടന്നത്.
മാവോയിസ്റ്റുകളും ഒഡീഷയിലെ എലൈറ്റ് സ്പെഷ്യൽ ഓപ്പറേഷൻ ഗ്രൂപ്പിലെ (എസ്ഒജി) ഉദ്യോഗസ്ഥരും തമ്മിൽ കാന്തമാൽ പോലീസ് സ്റ്റേഷൻ പരിധിയിലെ പർഹെൽ റിസർവ് വനത്തിലാണ് വെടിവയ്പ്പ് നടന്നതെന്ന് മുതിർന്ന ഉദ്യോഗസ്ഥൻ പറഞ്ഞു.
ഓപ്പറേഷൻ സൈറ്റിൽ നിന്ന് രണ്ട് മാവോയിസ്റ്റുകളുടെ മൃതദേഹങ്ങൾ, ആയുധങ്ങൾ, ഗ്രനേഡുകൾ, മറ്റ് വസ്തുക്കൾ എന്നിവ കണ്ടെടുത്തുവെന്നും അദ്ദേഹം പറഞ്ഞു. വ്യാഴാഴ്ച രാവിലെ വരെ ഓപ്പറേഷൻ തുടർന്നു.
