പത്തനംതിട്ട: പത്തനംതിട്ട പാർലമെന്‍റ് മണ്ഡലം എൻ. ഡി. എ സ്ഥാനാർഥി അനിൽ. കെ. ആന്‍റണിക്ക് , ബിലീവേഴ്സ് ഈസ്റ്റേൺ ചർച്ചു നേതൃത്വത്തിൽ തിരുവല്ലയിൽ ഉജ്വല വരവേല്പ് നൽകി. ഇതാദ്യമായാണ് ഒരു ക്രൈസ്തവ സഭ ബി. ജെ. പി ക്ക് പരസ്യ പിന്തുണ നൽകുന്നത്.
സ്ഥാനാർഥിക്ക് സഭയുടെ പൂർണ്ണ പിന്തുണ സഭാ നേതൃത്വം അറിയിച്ചു. സഭയുടെ തിരുവല്ലയിലുള്ള യൂത്ത് സെന്ററിൽ നടന്ന യോഗത്തിൽ സഭയുടെ ഭദ്രാസന അധ്യക്ഷൻ മാത്യൂസ് മാർ സിൽവാനിയോ സ്‌ മെത്രാപ്പൊലിത്ത , സഭാ പി. ആർ. ഒ ഫാ. സിജോ പന്തപ്പള്ളിൽ, കൂടാതെ നൂറോളം വൈദികരും സഭാ വിശ്വാസികളും പങ്കെടുത്തു. ഉച്ചക്ക് 12നു ആരംഭിച്ച യോഗം രണ്ടു മണിക്കൂറോളം നീണ്ടു. മെത്രാപോലീത്തയും അനിൽ. കെ. ആന്‍റണിയും യോഗത്തിൽ സംസാരിച്ചു. അനിൽ. കെ. ആന്റണിയുടെ വിജയത്തിന് സഭ എല്ലാ പിന്തുണയും നൽകുമെന്ന് ഇരുവരും യോഗത്തിൽ ഉറപ്പ് നൽകി.
പ്രതികരിക്കാൻ ഇവിടെ എഴുതുക: