പത്തനംതിട്ട : കൊവിഡ് ബൂസ്റ്റര് ഡോസെന്ന് തെറ്റിദ്ധരിപ്പിച്ച് അജ്ഞാതന് വീട്ടില്ക്കയറി വയോധികയ്ക്ക് കുത്തിവയ്പ്പ് നല്കി. റാന്നി വലിയകലുങ്കില് റോഡരികിലുളള വീട്ടില്ക്കയറിയാണ് അജ്ഞാതന് വയോധികയെ കുത്തിവച്ചത്.
റാന്നി പൊലീസ് അന്വേഷണം ആരംഭിച്ചു.തിങ്കളാഴ്ച രാവിലെയാണ് സംഭവം.
വീട്ടില് വയോധിക ഒറ്റയ്ക്കാണ് താമസിക്കുന്നത്.ഒരു യുവാവ് രാവിലെ വീട്ടിലെത്തി കൊവിഡ് വാക്സിന് എടുക്കണമെന്ന് ആവശ്യപ്പെടുകയായിരുന്നു.എന്നാല് മക്കളെ വിവരം അറിയിച്ചിട്ട് മതി കുത്തിവയ്പെന്ന് വയോധിക പറഞ്ഞെങ്കിലും യുവാവ് നിര്ബന്ധിച്ചപ്പോള് വയോധിക കുത്തിവയ്പ്പ് എടുക്കാമെന്ന് സമ്മതിക്കുകയായിരുന്നു.
നടുവിന് രണ്ട് തവണ കുത്തിവയ്പ്പ് എടുത്തെന്നാണ് വയോധിക വെളിപ്പെടുത്തിയത്. സിറിഞ്ച് ഉള്പ്പെടെ വീട്ടില് ഉപേക്ഷിച്ചാണ് യുവാവ് മടങ്ങിയത്.
