മലപ്പുറം : നിലമ്പൂര്‍ കരുളായില്‍ ദേശീയ കായിക താരത്തിന് ക്രൂര മര്‍ദ്ദനം. കരുളായി വരക്കുളത്തെ പാലക്കാമറ്റം മുഹമ്മദ് ഷാനാണ് മൂന്നംഗ സംഘത്തിന്റെ മര്‍ദ്ദനമേറ്റത്.
ദിശ മാറി വന്ന ബൈക്ക് ഇടിച്ചതിനെ ചോദ്യം ചെയ്തതാണ് അക്രമത്തിന് കാരണം.മുഹമ്മദ് ഷാന്റെ പരാതിയില്‍ പൂക്കോട്ടുംപാടം പൊലീസ് കേസെടുത്തു.
ശനിയാഴ്‌ച്ച രാത്രി 10 മണിയോടെ മുഹമ്മദ് ഷാന്‍ സഞ്ചരിച്ചിരുന്ന സൈക്കിളില്‍ ദിശമാറി എത്തിയ ബൈക്ക് ഇടിക്കുകയായിരുന്നു.മൂന്ന് പേരാണ് ബൈക്കിലുണ്ടായിരുന്നത്. ഇടിയുടെ ആഘാതത്തില്‍ ഷാന്‍ തെറിച്ചു വീഴുകയും ബൈക്ക് യാത്രികരെ ചോദ്യം ചെയ്യുകയും ആയിരുന്നു.
ഫുട്ബോള്‍ പ്രാക്ടീസ് ചെയ്യാന്‍ പോകും വഴി വീടിന് സമീപമാണ് ആക്രമണം ഉണ്ടായത്. മര്‍ദനത്തില്‍ കൈകാലുകളുടെ എല്ലുകള്‍ക്ക് പൊട്ടലുണ്ട്. കരുളായി സ്വദ്ദേശികളായ കണ്ടാല്‍ അറിയാവുന്ന മൂന്ന് പേരാണ് മര്‍ദനത്തിന് പിന്നില്‍.
പ്രതികരിക്കാൻ ഇവിടെ എഴുതുക: