ന്യൂദല്ഹി: അയോധ്യ രാം ലല്ലയുടെ വിഗ്രഹ മാതൃകയിൽ പുതിയ വിഗ്രഹം കൊത്തിയെടുത്ത് അവിടുത്തെ ക്ഷേത്രത്തില് സ്ഥാപിക്കാന് നെതർലൻഡ്സിലെ എറ്റർബ്ലിസ് ഫൗണ്ടേഷൻ എന്ന സംഘടന. സനാതന ധര്മ്മത്തെക്കുറിച്ചുള്ള തെറ്റിദ്ധാരണകള് നീക്കുകയാണ് സംഘടനയുടെ ലക്ഷ്യം. നെതർലൻഡ്സിലെ ഹനുമാൻ ക്ഷേത്രത്തിലാണ് രാം ലല്ല വിഗ്രഹം പ്രതിഷ്ഠിക്കുക.
നെതർലൻഡ്സിലേക്കുള്ള യാത്രയ്ക്ക് മുമ്പ് വിഗ്രഹം അയോധ്യയില് പൂജിക്കും. കാശിയിലെ കനയ്യ ലാൽ ശർമ്മയാണ് ശിൽപി. എറ്റർബ്ലിസ് ഫൗണ്ടേഷൻ എന്ന സംഘടനയാണ് വിഗ്രഹ നിർമ്മാണത്തിന് പിന്നിൽ.
മറ്റ് യൂറോപ്യൻ രാജ്യങ്ങളിലും രാംലല്ലയുടെ വിഗ്രഹങ്ങൾ സ്ഥാപിക്കാനും ഫൗണ്ടേഷന് പദ്ധതിയുണ്ട്. ആംസ്റ്റർഡാമിലെ ഹനുമാൻ ക്ഷേത്രത്തിൽ രാം ലല്ലയുടെ വിഗ്രഹം സ്ഥാപിക്കാൻ തീരുമാനിച്ചു. ആംസ്റ്റർഡാമിന് ശേഷം, ബ്രസൽസ് (ബെൽജിയം), ജർമ്മനി, ഫ്രാൻസ്, യൂറോപ്പിന്റെ മറ്റ് ഭാഗങ്ങൾ എന്നിവിടങ്ങളില് ശ്രീരാമ വിഗ്രഹങ്ങൾ സ്ഥാപിക്കുമെന്നും രാഹുൽ മുഖർജി പറഞ്ഞു.
കൃത്യമായ പകർപ്പ് ഉറപ്പാക്കാൻ, ഞങ്ങൾ അയോദ്ധ്യയിൽ പ്രതിഷ്ഠിച്ച വിഗ്രഹത്തിന് ഉപയോഗിച്ച അതേ മെറ്റീരിയൽ തന്നെ തെരഞ്ഞെടുത്തുവെന്ന് ഫൗണ്ടേഷൻ ഡയറക്ടർ രാഹുൽ മുഖർജി പറഞ്ഞു.
