ഹൈദരാബാദ്: കോൺഗ്രസ് കാലഹരണപ്പെട്ടെന്നും രാജ്യത്തെ രാഷ്ട്രീയ ചിത്രത്തിൽ അതിന്റെ പ്രസക്തി നഷ്ടമായെന്നും മുതിർന്ന ബിജെപി നേതാവും കേന്ദ്രമന്ത്രിയുമായ രാജ്നാഥ് സിംഗ്. കേന്ദ്രമന്ത്രി കിഷൻ റെഡ്ഡി ലോക്സഭാ തെരഞ്ഞെടുപ്പിൽ നാമനിർദേശ പത്രിക സമർപ്പിക്കുന്നതിന് മുമ്പ് ഒരു പാർട്ടി സമ്മേളനത്തെ അഭിസംബോധന ചെയ്തുകൊണ്ട് സംസാരിക്കുകയായിരുന്നു അദ്ദേഹം.
ബിജെപി രാഷ്ട്രീയം ചെയ്യുന്നത് രാഷ്ട്ര നിർമ്മാണത്തിന് വേണ്ടിയാണ് അല്ലാതെ കേവലം അധികാരത്തിൽ വരാൻ വേണ്ടിയല്ലെന്ന് അദ്ദേഹം പറഞ്ഞു. മുൻ റിസർവ് ബാങ്ക് ഗവർണർ ഡി. സുബ്ബറാവു തന്റെ പുസ്തകത്തിൽ യുപിഎ ഭരണകാലത്തെ സമ്പദ്വ്യവസ്ഥയെക്കുറിച്ച് നല്ലത് അവതരിപ്പിക്കാൻ കോൺഗ്രസ് സമ്മർദ്ദമുണ്ടാക്കിയെന്ന് അദ്ദേഹം ആരോപിച്ചു.
പ്രധാനമന്ത്രി നരേന്ദ്ര മോദിയുടെ ഇടപെടലിനെ തുടർന്ന് റഷ്യയും ഉക്രെയ്നും തമ്മിലുള്ള യുദ്ധം നാല് മണിക്കൂറിലധികം നിർത്തിവച്ചത് ഇന്ത്യക്ക് പൗരന്മാരെ ഒഴിപ്പിക്കാൻ സഹായകരമാണെന്ന് അദ്ദേഹം അവകാശപ്പെട്ടു. മോദി സർക്കാർ രാജ്യത്തെ സാധാരണക്കാർക്ക് വേണ്ടിയാണ് പ്രവർത്തിക്കുന്നതെന്നും അദ്ദേഹം വ്യക്തമാക്കി.
