കോട്ടയം: ലോക്‌സഭാ തെരഞ്ഞെടുപ്പിന്റെ അവസാന ലാപ്പിലേക്ക് എത്തിയതോടെ കോട്ടയത്തും രാഷ്ട്രീയ താരനിര പ്രചാരണത്തെ സമ്പന്നമാക്കുന്നു. കേന്ദ്ര പ്രതിരോധ മന്ത്രി രാജ്‌നാഥ് സിംഗ്, കോണ്‍ഗ്രസ് നേതാവ് രാഹുല്‍ ഗാന്ധി എന്നിവര്‍ വ്യാഴാഴ്ച കോട്ടയം ജില്ലയില്‍ പ്രചാരണത്തിന് എത്തിയിരുന്നു. എന്‍.ഡി.എ സ്്ഥാനാര്‍ത്ഥി തുഷാര്‍ വെള്ളാപ്പള്ളിയുടെ പ്രചരണാര്‍ത്ഥം വെള്ളിയാഴ്ച ബിജെപി ദേശീയ പ്രസിഡണ്ട് ജെ.പി നദ്ദ കോട്ടയത്ത് റോഡ് ഷോ നടത്തും വൈകിട്ട് മൂന്നിന് കളക്ടറേറ്റ് ജംഗ്ഷന്‍ മുതല്‍ ഗാന്ധി സ്‌ക്വയര്‍ വരെയാണ് റോഡ് ഷോ. തുടര്‍ന്ന് തിരുനക്കര മൈതാനിയില്‍ പ്രസംഗിക്കും. സിപിഎം പോളിറ്റ് ബ്യൂറോ അംഗം സുഭാഷിണി അലി വെള്ളിയാഴ്ച പ്രചാരണത്തിന് ഉണ്ടാകും. വൃന്ദ കാരാട്ട് , കര്‍ണാടക മന്ത്രി കെ.ജെജോര്‍ജ് എന്നിവരും വരും ദിവസങ്ങളില്‍ കോട്ടയം മണ്ഡലത്തില്‍ പ്രചാരണത്തിനെത്തുന്നുണ്ട്.
പ്രതികരിക്കാൻ ഇവിടെ എഴുതുക: