ഇടുക്കി: വിദേശ വനിതയെ സാമൂഹ്യ മാധ്യമത്തിലൂടെ പരിചയപ്പെട്ട് കേരളത്തിലെത്തിച്ച് പീഡിപ്പിച്ച് പണവുമായി മുങ്ങിയ തമിഴ്നാട് സ്വദേശിയെ അന്വേഷിച്ച് പൊലീസ്.കോയമ്പത്തൂര് സ്വദേശി പ്രേംകുമാര് (50) ആണ് ഫേസ്ബുക്കിലൂടെ സൗഹൃദം സ്ഥാപിച്ച് വിദേശ വനിതയെ പീഡിപ്പിച്ചത്.
ഇയാള്ക്കെതിരെ കുമളി പൊലീസില് 39 കാരി ചെക്കോസ്ലോവാക്യന് യുവതി പരാതി നല്കി.പ്രേംകുമാര് പീഡിപ്പിച്ചെന്നും പണം തട്ടിയെടുത്തെന്നുമാണ് പരാതി.
കഴിഞ്ഞ ഡിസംബര് മുതലാണ് പ്രേംകുമാര് യുവതിയുമായി സൗഹൃദം സ്ഥാപിച്ചത്.തുടര്ന്ന് വാട്സാപ്പ് ചാറ്റിലൂടെ ഇയാള് വിദേശ വനിതയെ ദക്ഷിണേന്ത്യയിലേക്ക് ക്ഷണിക്കുകയായിരുന്നു.കഴിഞ്ഞ12ന് കൊച്ചിയിലെത്തിയ യുവതിയെ അവിടെ നിന്ന് സ്വന്തം കാറില് പ്രേംകുമാര് ചെറായിയിലുള്ള റിസോര്ട്ടില് കൊണ്ട് പോവുകയും അവിടെ വെച്ച് പീഡിപ്പിക്കുകയുമായിരുന്നു. പിന്നീട് ആലപ്പുഴയില് വച്ചും മറ്റു ദിവസങ്ങളിലും പീഡനം തുടര്ന്നു .
ദിവസങ്ങള് കഴിഞ്ഞ് ഇയാള് യുവതിയുമായി കലഹിക്കുകയും ചെലവിനായി ഏല്പ്പിച്ച 30,000 രൂപയും 200 പൗണ്ടുമായി മുങ്ങുകയുമായിരുന്നു. വിദേശ വനിതയുടെ പരാതിയില് പീഡനത്തിന് കേസെടുത്ത കുമളി പൊലീസ് ഇയാളെ തിരഞ്ഞു വരികയാണ്. പ്രതി തമിഴ്നാട്ടിലേയ്ക്ക് കടന്നതായാണ് അന്വേഷണ സംഘത്തിന് ലഭിച്ച വിവരം.
