കോഴിക്കോട്: സുരേഷ് ഗോപി നിങ്ങളുടെ ഹൃദയം എനിക്ക് വേണമെന്ന് പറഞ്ഞാല്‍ ഞാന്‍ കൊടുക്കും. അതാണ് ആ മനുഷ്യന്റെ കരുതലെന്ന് നടന്‍ ജോയ് മാത്യു. ഒരു ടിവി ചാനല്‍ അഭിമുഖത്തിലാണ് അദ്ദേഹം ഇക്കാര്യം പറഞ്ഞത്.
“സുരേഷ് ഗോപിക്ക് വേണ്ടി ഞാന്‍ രാഷ്‌ട്രീയ പ്രചാരണത്തിനൊന്നും പോകില്ല. പക്ഷെ അദ്ദേഹം എനിക്ക് എന്ത് പ്രശ്നം വന്നാലും ഫോണില്‍ വിളിച്ച് ചോദിക്കുന്ന ആളാണ്. പിന്നീട് അതിന് എന്ത് വേണമെന്ന് നോക്കി ഒരു പരിഹാരം കാണും.”- ജോയ് മാത്യു പറഞ്ഞു.
സുരേഷ് ഗോപി ഒരു ബെസ്റ്റ് ഹ്യൂമന്‍ ബിയിങ്ങാണ്. തൃശൂരില്‍ പൊരിഞ്ഞ പോരാട്ടമാണ്. ആരാണ് ജയിക്കുക എന്ന് പറയാന്‍ കഴിയില്ല. – ജോയ് മാത്യു പറഞ്ഞു. സിപിഎമ്മും മീഡിയ വണ്‍ ചാനലുള്‍പ്പെടെയുള്ളവരും സുരേഷ് ഗോപി മാധ്യമപ്രവര്‍ത്തകയെ പീഢിപ്പിച്ചു എന്ന കേസ് ചമച്ചപ്പോഴും ജോയ് മാത്യു സുരേഷ് ഗോപിയെ പിന്തുണച്ച് രംഗത്തെത്തിയിരുന്നു. എതിരാളികളെ പെണ്ണ് കേസിലും ഗർഭക്കേസിലും കുടുക്കി നാറ്റിക്കുക ! ഇതിനപ്പുറം ഒന്നുമില്ല എന്നായിരുന്നു അന്ന് സുരേഷ് ഗോപിയ്‌ക്കെതിരായ സ്ത്രീപീഢനക്കേസിനോട് ജോയ് മാത്യു പ്രതികരിച്ചത്.
പ്രതികരിക്കാൻ ഇവിടെ എഴുതുക: