ഈ ലോക്സഭാ തെരഞ്ഞെടുപ്പില്‍ തൃശൂരില്‍ സുരേഷ് ഗോപിയ്‌ക്ക് ഒരു അവസരം നല്കണമെന്ന് നടന് ബാല. സുരേഷ് ഗോപി മൂന്നാമതാണ് തൃശൂരില്‍ മത്സരിക്കുന്നത്. ഒരു അവസരം ഇത്തവണ കൊടുക്കൂ എന്ന് തൃശൂരിലെ വോട്ടമാരോട് ബാല അഭ്യര്‍ത്ഥിച്ചു.
“വോട്ടിനുള്ള അവകാശം സാധാരണ ജനങ്ങള്‍ക്കാണ്. അവരാണ് നേതാക്കള്‍ക്ക് അവസരം നല്‍കുന്നത്. ഒരു പ്രാവശ്യമെങ്കിലും സുരേഷ് ഗോപിയ്‌ക്ക് കൊടുക്ക്. അവസരം കൊടുത്തു നോക്കിയാലല്ലേ മനസ്സിലാകൂ. ശരിയായില്ലെങ്കില്‍ മാറ്റാം.”- ഒരു ടിവി ചാനലിന് നല്‍കിയ അഭിമുഖത്തില്‍ ബാല പറഞ്ഞു.
“സുരേഷ് ചേട്ടന്‍ ഒരു പാവമാണ്. പാവപ്പെട്ടവരെ ഒരു പാട് സഹായിക്കുന്ന മനുഷ്യനാണ്. തെരഞ്ഞെടുപ്പില്‍ ജയിച്ച ശേഷവും സുരേഷ് ചേട്ടന്‍ അങ്ങിനെ തന്നെയായിരിക്കും. പാവപ്പെട്ടവര്‍ ഉള്ളവരെ മാത്രമേ തെരഞ്ഞെടുപ്പ് ഉണ്ടാവൂ. നമ്മള്‍ വലിയ പണക്കാരായാല്‍ വോട്ടിടുമോ? ഇല്ല.” – ബാല പറയുന്നു.
