മാഞ്ചസ്റ്റര്‍: യുവേഫ ചാമ്പ്യന്‍സ് ലീഗ് ക്വാര്‍ട്ടറില്‍ ഇന്ന് മാഞ്ചസ്റ്റര്‍ സിറ്റിയും റയല്‍ മാഡ്രിഡും തമ്മിലുള്ള തീ പാറും പോരാട്ടം. ഇരുവരും ആദ്യ പാദത്തില്‍ മൂന്ന് ഗോള്‍ വീതം നേടി സമനില പാലിച്ചിരുന്നു.
റയലിന്റെ തട്ടകമായ സാന്റിയാഗോ ബെര്‍ണബ്യൂവിലായിരുന്നു രണ്ട് വമ്പന്‍ ടീമകുളും മൂന്ന് ഗോളുകള്‍ വീതം നേടിയ ത്രില്ലര്‍ മത്സരം അരങ്ങേറിയത്. ഇന്നത്തെ മത്സരം സിറ്റിയുടെ തട്ടകമായ എത്തിഹാദ് സ്‌റ്റേഡിയത്തിലാണ്. രണ്ടിലൊരു ടീമിന് ഇന്ന് ജയിച്ചേ മതിയാകൂ. കിരീടത്തുടര്‍ച്ചയ്‌ക്കായി സിറ്റി സെമിയിലേക്ക് കുതിക്കാനിറങ്ങുമ്പോള്‍ സീസണില്‍ പഴയ താളത്തിലേക്കെത്തിയതിന്റെ ആത്മവിശ്വാസത്തിലാണ് റയല്‍.
മറ്റൊരു രണ്ടാംപാദ ക്വാര്‍ട്ടറില്‍ ജര്‍മന്‍ ടീം ബയേണ്‍ മ്യൂണിക്കും ഇംഗ്ലീഷ് വമ്പന്‍മാരായ ആഴ്‌സണലും നേര്‍ക്കുനേര്‍ ഏറ്റുമുട്ടും. ഇവരുടെ ആദ്യ പാദ ക്വാര്‍ട്ടറും സമനിലയിലാണ് കലാശിച്ചത്. രണ്ട് ടീമുകളും രണ്ട് വീതം ഗോളുകള്‍ നേടിയാണ് തുല്യത പാലിക്കുന്നത്. ഇന്നത്തെ മത്സരം ബയേണ്‍ തട്ടകമായ അലയന്‍സ് അരീനയിലാണ്. സീസണില്‍ ലീഗ് ടൈറ്റില്‍ നഷ്ടമായതിന്റെ നീരസത്തിലാണ് ബയേണ്‍.
പ്രതികരിക്കാൻ ഇവിടെ എഴുതുക: