കോങ്ങാട്: ഇറാന്‍ റെവല്യൂഷനറി ഗാര്‍ഡ് പിടിച്ചെടുത്ത ഇസ്രായേല്‍ ബന്ധമുള്ള ചരക്കുകപ്പലിലെ മലയാളികളായ നാലുപേരെ രക്ഷിക്കുന്നതിനുള്ള തീവ്രശ്രമം കേന്ദ്രസര്‍ക്കാര്‍ ആരംഭിച്ചു. നാലുപേരില്‍ ഒരാള്‍ പാലക്കാട്ടുകാരനാണ്.
കേരളശ്ശേരി വടശ്ശേരി ദേവസ്വം തൊടിയില്‍ ശിവരാമന്‍ മകന്‍ സുമേഷിന്റെ വീട്ടിലെത്തിയ ബിജെപി സംസ്ഥാന ജന. സെക്രട്ടറിയും എന്‍ഡിഎ പാലക്കാട് പാര്‍ലമെന്റ് സ്ഥാനാര്‍ത്ഥിയുമായ സി. കൃഷ്ണകുമാര്‍ കുടുംബവുമായി വിഷയം ചര്‍ച്ച ചെയ്തു. സുമേഷിനെ അവിടെനിന്ന് എത്തിക്കുവാനുള്ള ശ്രമത്തിന്റെ ഭാഗമായി വിദേശകാര്യ സഹമന്ത്രി വി. മുരളീധരനുമായി ശിവരാമന്‍ നേരിട്ട് സംസാരിച്ചു കാര്യങ്ങള്‍ വിശദീകരിച്ചു.
ഇറാന്‍ പിടിയിലകപ്പെട്ട ഓരോ പൗരന്റെയും മോചനത്തിന് ഭാരത സര്‍ക്കാര്‍ സാധ്യമായ എല്ലാ വഴികളും തേടുന്നുണ്ടെന്നും മോചനം ഉറപ്പാക്കുമെന്നും മന്ത്രി മുരളീധരന്‍ ഉറപ്പുനല്കി. യാതൊരു വിധ ആശങ്കയും വേണ്ടെന്നും ഇക്കാര്യത്തില്‍ കേന്ദ്രസര്‍ക്കാര്‍ കുടുംബത്തിനൊപ്പം ഉണ്ടാകുമെന്നും മുരളീധരന്‍ നല്കിയ ഉറപ്പ് കുടുംബാംഗങ്ങള്‍ക്ക് ഏറെ ആശ്വാസമായി.
പ്രതികരിക്കാൻ ഇവിടെ എഴുതുക: