കൊച്ചി: മെമ്മറി കാര്ഡ് അനധികൃത പരിശോധന നടത്തിയതുമായി ബന്ധപ്പെട്ട് നടത്തിയ വസ്തുത അന്വേഷണ റിപ്പോര്ട്ടിലെ സാക്ഷിമൊഴികളുടെ പകര്പ്പ് അതിജീവിതയ്ക്ക് നല്കരുതെന്ന് നടന് ദിലീപ്. ഇക്കാര്യം ആവശ്യപ്പെട്ട് നടന് നല്കിയ ഹര്ജി അവധിക്കാല ബഞ്ച് നാളെ പരിഗണിക്കും.
മെമ്മറി കാര്ഡിലെ അനധികൃത പരിശോധനയില് ജഡ്ജി ഹണി എം വര്ഗീസ് ആണ് വസ്തുത അന്വേഷണ റിപ്പോര്ട്ട് സമര്പ്പിച്ചത്. തീര്പ്പാക്കിയ ഒരു കേസിലാണ് അതിജീവിതക്ക് മൊഴി പകര്പ്പ് നല്കാന് സിംഗിള് ബെഞ്ച് ഉത്തരവിട്ടത്. ഈ ഉത്തരവ് നിയമവിരുദ്ധം എന്ന് ദിലീപ് ഹര്ജിയില് പറയുന്നു.
ഹൈക്കോടതി നിര്ദ്ദേശാനുസരണമായിരുന്നു ജില്ലാ ജഡ്ജിയുടെ വസ്തുത അന്വേഷണ റിപ്പോര്ട്ട് നേരത്തെ അതിജീവിത നല്കിയത്. എന്നാല് റിപ്പോര്ട്ടിലെ സാക്ഷി മൊഴികളുടെ പകര്പ്പ് നല്കിയില്ല. ഇതിനെതിരെ അതിജീവിത വീണ്ടും ഹൈക്കോടതിയിലെത്തുകയും മൊഴികളുടെ പകര്പ്പ് നല്കാന് കോടതി നിര്ദ്ദേശിക്കുകയും ആയിരുന്നു.
