കോട്ടയം: ഗൂഗിള് പേ ഇടപാടിനെ ചൊല്ലിയുണ്ടായ തര്ക്കത്തില് പമ്പ് ജീവനക്കാരന് ക്രൂരമര്ദ്ദനം. തലയോലപ്പറമ്പ് ഇല്ലി തൊണ്ടിന് സമീപമുള്ള ഹിന്ദുസ്ഥാന് പെട്രോളിയത്തിന്റെ കല്ലോലിക്കല് ഫ്യൂവല്സിലെ ജീവനക്കാരനാണ് ക്രൂരമായി മര്ദ്ദനമേറ്റത്.
ഇന്ധനം നിറയ്ക്കുന്നതിനായി എത്തിയ വടകര സ്വദേശികളായ അജയ് സജി, അക്ഷയ് എന്നീ യുവാക്കളാണ് പമ്പ് ജീവനക്കാര്ക്കെതിരെ അതിക്രമം നടത്തിയത്. പമ്പ് ജീവനക്കാരനായ അപ്പച്ചനാണ് ക്രൂര മര്ദ്ദനത്തിന് ഇരയായത്. ഗൂഗിള് പേയില് നിന്നും ശബ്ദ സന്ദേശം ലഭിച്ചില്ലെന്ന് ആരോപിച്ചായിരുന്നു ആക്രമണം.
ഇന്നലെ അര്ദ്ധരാത്രിയോടെയായിരുന്നു സംഭവം. ആക്രമണം നടത്തിയ യുവാക്കളോട് വിഷയത്തെക്കുറിച്ച് സംസാരിക്കാനെത്തിയ വിപി ഷാ എന്നയാള്ക്ക് തലയോലപ്പറമ്പ് ടൗണില് വച്ചും കുത്തേറ്റു. ഇയാളുടെ മുതുകിലാണ് കുത്തേറ്റത്. സ്ക്രൂെ്രെഡവര് പോലുള്ള വസ്തു ഉപയോഗിച്ചായിരുന്നു ആക്രമിച്ചത്. സംഭവത്തിന് ശേഷം ഒളിവില് പോയ യുവാക്കള്ക്കായി പോലീസ് അന്വേഷണം ഊര്ജ്ജിതമാക്കി.
