കോട്ടയം: കേരള പോലീസിനെ് നാണം കെടുത്താന്‍ ഇങ്ങനെയും ഒരുപൂവാലന്‍. തൊടുപുഴയിലെ ഒരു സ്വകാര്യ സ്ഥാപനത്തില്‍ ജോലിക്കാരിയായ യുവതിയെ വീട്ടിലേക്കു നടന്നുപോകുന്നതിനിടെ പിന്തുടര്‍ന്ന് ശല്യപ്പെടുത്തുകയും അശ്ലീലആംഗ്യങ്ങള്‍ കാണിക്കുകയും ചെയ്തതിന് കുളമാവ് പോലീസ് സ്റ്റേഷനിലെ സിവില്‍ പോലീസ് ഓഫീസര്‍ പെരിങ്ങശ്ശേരി സ്വദേശി ഒ.എം മര്‍ഫിയെ അറസ്റ്റ് ചെയ്തു. റോഡിലൂടെ നടന്നു പോകുന്നതിനിടെ കാറില്‍ പിന്തുടര്‍ന്ന് തടയാന്‍ ശ്രമിച്ചു എന്ന പരാതിയെത്തുടര്‍ന്ന് സിസിടിവി ദൃശ്യങ്ങള്‍ പരിശോധിച്ചപ്പോള്‍ കാര്യം ശരിയാണെന്ന് പൊലീസിനു ബോധ്യപ്പെട്ടു. കാറില്‍ മറ്റൊരാള്‍ കൂടി ഉണ്ടായിരുന്നു. മര്‍ഫിയാണ് കാറോടിച്ചിരുന്നത്. ഇടയ്‌ക്ക് കാര്‍ നിര്‍ത്തി മര്‍ഫി പുറത്തിറങ്ങിയതോടെ യുവതി ഒരു കടയിലേക്ക് ഓടിക്കയറി രക്ഷപ്പെടുകയായിരുന്നു. ബുധനാഴ്ച വൈകിട്ട് ആയിരുന്നു സംഭവം. പരാതി ലഭിച്ചതോടെ പോലീസുകാരനെതിരെ കേസെടുത്തിരുന്നു. ഇന്നലെ ഇയാള്‍ കരിമണ്ണൂര്‍ സ്റ്റേഷനില്‍ ഹാജരായി. അറസ്റ്റ് രേഖപ്പെടുത്തി സ്വന്തം ജാമ്യത്തില്‍ വിട്ടു. ഇയാളെ സസ്‌പെന്‍ഡ് ചെയ്തതായി ജില്ലാ പോലീസ് മേധാവി വിഷ്ണു പ്രദീപ് അറിയിച്ചു. പോലീസുകാരനൊപ്പം ഉണ്ടായിരുന്നയാളെ തിരിച്ചറിഞ്ഞിട്ടില്ലെന്നാണ് പൊലീസ് ഭാഷ്യം. എന്നാല്‍ ഇയാള്‍ അഡ്വ. ജനറല്‍ ഓഫീസിലെ ജീവനക്കാരനാണെന്നും പൊലീസ് ഇക്കാര്യം പുറത്തുവിടാത്തതാണെന്നും ആക്‌ഷേപമുണ്ട്.
‘സി.പി.ഒ പൂവാല’നെ അറസ്റ്റു ചെയ്തു, ഒത്താശ ചെയ്തയാളുടെ പേരുപറയാന്‍ പോലും പൊലീസിനു ഭയം!
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: