ബെംഗളൂരു: രാമേശ്വരം കഫേ സ്ഫോടനക്കേസിലെ രണ്ട് പ്രതികളെ കൂടുതൽ അന്വേഷണത്തിനായി പ്രത്യേക കോടതി ദേശീയ ഏജൻസിയായ എൻഐഎയ്ക്ക് 10 ദിവസത്തെ കസ്റ്റഡിയിൽ വിട്ടു. മുസാവിർ ഹുസൈൻ ഷാസിബ്, അദ്ബുൽ മത്തീൻ അഹമ്മദ് താഹ എന്നിവരെയാണ് ഇന്ന് ദേശീയ അന്വേഷണ ഏജൻസി പ്രത്യേക കോടതി ജഡ്ജിക്ക് മുന്നിൽ ഹാജരാക്കിയത്.
മാർച്ച് ഒന്നിന് രാമേശ്വരം കഫേയിലുണ്ടായ സ്ഫോടനത്തിൽ 10 പേർക്ക് പരിക്കേൽപ്പിച്ച കേസിൽ പ്രതികളെ ട്രാൻസിറ്റ് റിമാൻഡിൽ കൊൽക്കത്തയിൽ നിന്ന് സംസ്ഥാന തലസ്ഥാനത്തേക്ക് കൊണ്ടുവന്നിരുന്നു.
കേസിലെ മുഖ്യ സൂത്രധാരന്മാരായ മുസാവിര് ഹുസൈന്, അബ്ദുള് മതീന് എന്നിവരെ കൊല്ക്കത്തയിലെ ഒളിസങ്കേതത്തില് നിന്നാണ് അറസ്റ്റ് ചെയ്തത്. ഇന്റലിജന്സ് ബ്യൂറോ നല്കിയ വിവരങ്ങളുടെ അടിസ്ഥാനത്തിലാണ് പ്രതികള് ഒളിവില് കഴിയുന്ന സ്ഥലത്ത് പരിശോധന നടത്താന് എന്ഐഎ സംഘമെത്തിയത്.
സിസിടിവി ദൃശ്യങ്ങള് കേന്ദ്രീകരിച്ചായിരുന്നു അന്വേഷണത്തെ തുടര്ന്നാണ് ഇരുവരെയും പിടികൂടിയത്. ഈ വര്ഷം ജനുവരി മാസം മുസാവിര് ഹുസൈന് ചെന്നൈയിലുണ്ടായിരുന്നതായി എന്ഐഎ സംഘം അന്വേഷണത്തില് കണ്ടെത്തിയിരുന്നു. ഇയാളുടെ അടുത്ത സുഹൃത്താണ് അബ്ദുള് മതീന്.
തമിഴ്നാട് പൊലീസ് ഇന്സ്പെക്ടര് കെ വില്സനെ കൊലപ്പെടുത്തിയ കേസിലെ പ്രതിയാണ് ഇയാള്.
