സിംഗമാണ് അണ്ണാ… നിങ്ങള്‍ക്കുവേണ്ടി ഐപിഎസ് ഉപേക്ഷിച്ചവന്‍… തമിഴകത്ത് തെലുങ്കില്‍ അണ്ണാമലൈക്ക് വേണ്ടി വോട്ടുതേടി ആന്ധ്രയിലെ യുവനേതാവ് നാരാ ലോകേഷ്. കോയമ്പത്തൂരില്‍ ബിജെപി സ്ഥാനാര്‍ത്ഥിയും സംസ്ഥാന അധ്യക്ഷനുമായ കെ. അണ്ണാമലൈയുടെ റോഡ്‌ഷോയില്‍ പങ്കെടുക്കാനാണ് അതിര്‍ത്തിക്ക് അപ്പുറത്തുനിന്ന് ലോകേഷ് എത്തിയത്.
തെലുഗുദേശം പാര്‍ട്ടി നേതാവ് എന്‍. ചന്ദ്രബാബു നായിഡുവിന്റെ മകനും പാര്‍ട്ടി ദേശീയ ജനറല്‍സെക്രട്ടറിയുമാണ് ലോകേഷ്. എന്റെ അച്ഛനെ ജഗന്‍മോഹന്‍ റെഡ്ഡി ജയിലിലടച്ചപ്പോള്‍ അണ്ണാ വിളിച്ചു. ആശ്വസിപ്പിച്ചു. ജഗന്‍ എങ്ങനെയാണ് കള്ളക്കേസ് കെട്ടിച്ചമച്ചതെന്ന് പറഞ്ഞുതന്നു. അണ്ണാമലൈ തമിഴ്‌നാടിന്റെ ഉദയതാരമാണ്. ജനമനസ് ആഴത്തിലറിഞ്ഞ നായകന്‍. അദ്ദേഹം ഐപിഎസ് ഉപേക്ഷിച്ചത് ജനസേവനത്തിനായാണ്. കോയമ്പത്തൂര്‍ അണ്ണാമലൈയെ വിജയിപ്പിക്കും, നാരാ ലോകേഷ് പറഞ്ഞു.
പ്രതികരിക്കാൻ ഇവിടെ എഴുതുക: