ശക്തമായ കേന്ദ്ര സർക്കാരിന് കീഴിൽ തീവ്രവാദികൾ സ്വന്തം തട്ടകത്തിൽ കൊല്ലപ്പെട്ടു : പ്രധാനമന്ത്രി നരേന്ദ്രമോദി

ഋഷികേഷ്: കേന്ദ്രത്തിൽ ബിജെപിയുടെ നേതൃത്വത്തിലുള്ള ശക്തമായ സർക്കാരിന് കീഴിൽ രാജ്യത്തിന്റെ സുരക്ഷാ സേന ഭീകരരെ സ്വന്തം തട്ടകത്തിൽ ഇല്ലാതാക്കുകയാണെന്ന് പ്രധാനമന്ത്രി നരേന്ദ്ര മോദി. ഒരു തിരഞ്ഞെടുപ്പ് റാലിയെ അഭിസംബോധന ചെയ്തുകൊണ്ട് മോദി വ്യാഴാഴ്ച പറഞ്ഞു.

സുസ്ഥിരമായ ഒരു സർക്കാരിന്റെ നേട്ടങ്ങൾ ജനങ്ങൾ കണ്ടതിനാൽ ‘ഫിർ ഏക് ബാർ മോദി സർക്കാരിന്റെ’ പ്രതിധ്വനികൾ രാജ്യത്തുടനീളം കേൾക്കുന്നുണ്ടെന്ന് അദ്ദേഹം പറഞ്ഞു. ഇവിടെ ദുർബ്ബലവും അസ്ഥിരവുമായ സർക്കാരുകൾ രാജ്യത്തുണ്ടായപ്പോഴെല്ലാം ശത്രുക്കൾ മുതലെടുക്കുകയും ഭീകരവാദം വ്യാപിക്കുകയും ചെയ്തു.

എന്നാൽ ശക്തമായ മോദി സർക്കാരിന് കീഴിൽ നമ്മുടെ സൈന്യം ഭീകരരെ സ്വന്തം തട്ടകത്തിൽ കൊല്ലുകയാണെന്ന് മോദി വ്യക്തമാക്കി.