മധുര : തമിഴ്നാട്ടിലെ മധുര തിരുമംഗലത്ത് രാവിലെയുണ്ടായ വാഹനാപകടത്തില് മരിച്ചവരുടെ എണ്ണം ആറായി.ചികിത്സയിലായിരുന്ന ആറു വയസുകാരി ശിവശ്രീയാണ് മരിച്ചത്.
നിയന്ത്രണം വിട്ട കാര് ബൈക്കുകളില് കൂട്ടിയിടിച്ച് തലകീഴായി മറഞ്ഞാണ് അപകടം. കാറിലുണ്ടായിരുന്ന നാലുപേരും ബൈക്ക് യാത്രികനും നേരത്തേ മരിച്ചിരുന്നു.
മരിച്ചവരില് രണ്ട് പുരുഷന്മാരും രണ്ടു സ്ത്രീകളും 8 വയസുള്ള പെണ്കുട്ടിയും ഉള്പ്പെടുന്നു. മധുര വില്ലുപുരം സ്വദേശികളായ കനകവേല്, ഭാര്യ കൃഷ്ണകുമാരി, ബന്ധു നാഗജ്യോതി, നാഗജ്യോതിയുടെ രണ്ട് മക്കള് എന്നിവരാണ് മരിച്ചത്. ക്ഷേത്ര ദര്ശനം കഴിഞ്ഞ് മടങ്ങിയ കുടുംബം സഞ്ചരിച്ച കാറാണ് അപകടത്തില്പ്പെട്ടത്.
വില്ലുപുരം സ്വദേശി കനകരാജും കുടുംബവും തലവായ് പുരത്തെ മാരിയമ്മന് ക്ഷേത്രത്തിലേയ്ക്ക് രാവിലെ പുറപ്പെട്ടതായിരുന്നു. തിരുമംഗലത്തുവച്ച് കാര് നിയന്ത്രണം വിട്ട ബൈക്കിലിടിച്ച് തലകീഴായി മറിഞ്ഞു. ഡിവൈഡറില് ഇടിച്ച ശേഷം മറ്റൊരു ബൈക്കിലും കാറിടിച്ചു.
