തിരുവനന്തപുരം: ലോക്സഭ തെരഞ്ഞെടുപ്പില് മത്സരിക്കുന്ന സ്ഥാനാര്ത്ഥികളെക്കുറിച്ച് കൂടുതല് അറിയാന് വോട്ടര്മാര്ക്ക് കെവൈസി (നോ യുവര് കാന്ഡിഡേറ്റ്) ആപ്പ് ഉപയോഗിക്കാമെന്ന് മുഖ്യ തെരഞ്ഞെടുപ്പ് ഓഫീസര് സഞ്ജയ് കൗള്.
ലോക്സഭ തെരഞ്ഞെടുപ്പില് സുതാര്യത ഉറപ്പാക്കുക, ജനപ്രതിനിധിയാവാന് പോകുന്ന വ്യക്തിയെക്കുറിച്ച് ശരിയായ തീരുമാനം എടുക്കാന് വോട്ടര്മാര്ക്ക് സൗകര്യം ഒരുക്കുക എന്നീ ലക്ഷ്യങ്ങള് മുന്നിര്ത്തിയാണ് കെവൈസി ആപ്പ് തയാറാക്കിയിരിക്കുന്നത്. തങ്ങളുടെ മണ്ഡലത്തില് മത്സരിക്കുന്ന എല്ലാ സ്ഥാനാര്ത്ഥികളുടെയും ക്രിമിനല് പശ്ചാത്തലം, ആരോപിക്കപ്പെട്ട കുറ്റകൃത്യത്തിന്റെ സ്വഭാവം, കേസിന്റെ നിലവിലെ സ്ഥിതി എന്നിവയൊക്കെ ആപ്പ് വഴി വോട്ടര്മാര്ക്ക് അറിയാനാവും. നാമനിര്ദേശ പത്രികക്കൊപ്പം സ്ഥാനാര്ത്ഥി സമര്പ്പിച്ച സത്യവാങ്മൂലം ഡൗണ്ലോഡ് ചെയ്യാനും കഴിയും.
ആന്ഡ്രോയ്ഡ്, ഐഒഎസ് പ്ലാറ്റ്ഫോമുകളില് ആപ്പ് ലഭ്യമാണ്. ഗൂഗിള് പ്ലേ സ്റ്റോറില് നിന്നോ ആപ്പിള് ആപ്പ് സ്റ്റോറില് നിന്നോ ആപ്പ് ഡൗണ്ലോഡ് ചെയ്ത് ഇന്സ്റ്റാള് ചെയ്ത ശേഷം ലോക്സഭ തെരഞ്ഞെടുപ്പ് സെലക്ട് ചെയ്ത് മണ്ഡലം നല്കിയാല് അവിടെ മല്സരിക്കുന്ന മുഴുവന് സ്ഥാനാര്ത്ഥികളുടെയും വിവരങ്ങള് ലഭ്യമാകും. സ്ഥനാര്ഥികളുടെ പേര് ടൈപ്പ് ചെയ്ത് നല്കിയും തിരച്ചില് നടത്താനാവും.
