അബുദാബി: ക്രിസ്റ്റ്യാനോ റൊണാള്‍ഡോക്ക് ഒന്നില്‍ കൂടുതല്‍ മത്സരങ്ങളില്‍ വിലക്ക് ഉണ്ടായേക്കും. കഴിഞ്ഞ ദിവസം സൗദി സൂപ്പര്‍ കപ്പില്‍ ചുവപ്പുകാര്‍ഡ് വാങ്ങിയ ക്രിസ്റ്റ്യാനോ റൊണാള്‍ഡോക്കെതിരെ കൂടുതല്‍ നടപടികള്‍ ഉണ്ടായേക്കും എന്നാണ് റിപ്പോര്‍ട്ടുകള്‍.
ഇന്നലെ അല്‍ ഹിലാലിനെ സൂപ്പര്‍ കപ്പില്‍ നേരിട്ട അല്‍ നസര്‍ ഒന്നിനെതിരെ രണ്ടു ഗോളുകള്‍ക്കാണ് പരാജയപ്പെട്ടത്.
മത്സരത്തിന്റെ 86ാം മിനിറ്റില്‍ റൊണാള്‍ഡോ ചുവപ്പ് കാര്‍ഡ് കാണുകയായിരുന്നു.എതിര്‍ താരം അല്‍ ബുലൈഹിയെ രണ്ടുതവണ കൈമുട്ട് കൊണ്ട് ഇടിച്ചതിനാണ് റൊണാള്‍ഡോ ചുവപ്പ് കാര്‍ഡ് കണ്ടത്. റഫറിക്കെതിരെയും താരം ദേഷ്യപ്പെട്ടിരുന്നു. ഇതാണ് റൊണാള്‍ഡോയുടെ വിലക്ക് വര്‍ദ്ധിപ്പിക്കാന്‍ കാരണമാകുകയെന്നാണ് കരുതുന്നത്. റഫറിയുടെ മാച്ച് റിപ്പോര്‍ട്ട് അനുസരിച്ച് ആയിരിക്കും കൂടുതല്‍ നടപടി.
പ്രതികരിക്കാൻ ഇവിടെ എഴുതുക: