രണ്ട് ദിവസത്തെ ചെന്നൈ സന്ദർശനം; പ്രധാനമന്ത്രി ഇന്ന് തമിഴ്‌നാട്ടിൽ

ചെന്നൈ: രണ്ട് ദിവസത്തെ സന്ദർശനത്തിനായി പ്രധാനമന്ത്രി നരേന്ദ്രമോദി ഇന്ന് ചെന്നൈയിൽ. വൈകിട്ട് ആറ് മണിയോടെ ചെന്നൈ പോണ്ടിബസാറിൽ റോഡ് ഷോയിൽ അദ്ദേഹം പങ്കെടുക്കും. ചെന്നൈ സൗത്ത് മണ്ഡലം സ്ഥാനാർത്ഥി തമിഴിസൈ സൗന്ദർ രാജൻ, സെൻട്രൽ മണ്ഡലം സ്ഥാനാർത്ഥി വിനോജ് പി ശെൽവം എന്നിവർക്കായാണ് റോഡ് ഷോ സംഘടിപ്പിക്കുന്നത്.

നാളെ രാവിലെ വെല്ലൂരിൽ നടക്കുന്ന പൊതുസമ്മേളനത്തിൽ വെല്ലൂർ മണ്ഡലം സ്ഥാനാർത്ഥി എസി ഷൺമുഖം, ധർമപുരി മണ്ഡലം പിഎംകെ സ്ഥാനാർത്ഥി സൗമ്യ അൻപുമണി എന്നിവർക്ക് വേണ്ടി പ്രധാനമന്ത്രി സംസാരിക്കും. ഉച്ചയ്‌ക്ക് ശേഷം മോട്ടുപ്പാളയത്ത് നടക്കുന്ന റാലിയിലും പൊതു സമ്മേളനത്തിലും നരേന്ദ്രമോദി പങ്കെടുക്കും.

കോയമ്പത്തൂർ സ്ഥാനാർഥിയും ബിജെപി സംസ്ഥാന അധ്യക്ഷനുമായ കെ അണ്ണാമല, കേന്ദ്രമന്ത്രിയും നീലഗിരി മണ്ഡലം സ്ഥാനാർഥിയുമായ എൽ മുരുകൻ, പൊള്ളാച്ചി സ്ഥാനാർഥി കെ. വസന്തരാജൻ എന്നിവർക്കായി പ്രധാനമന്ത്രി വോട്ടഭ്യർത്ഥിയ്‌ക്കും.