കാട്ടുപന്നി ഇടിച്ച് ഓട്ടോ മറിഞ്ഞു ; 2 പേര്‍ക്ക് പരിക്ക്

ഇടുക്കി: കാട്ടുപന്നി ഇടിച്ച് ഓട്ടോ മറിഞ്ഞ് രണ്ട് പേര്‍ക്ക് പരിക്ക്. നെടുങ്കണ്ടത്തിനു സമീപം തേര്‍ഡ് ക്യാമ്പിലാണ് സംഭവമുണ്ടായത്.

പാല്‍ സൊസൈറ്റി ജീവനക്കാരന്‍ മുണ്ടാട്ടുമുണ്ടയില്‍ ഷാജി, ഓട്ടോ ഡ്രൈവര്‍ റജി എന്നിവര്‍ക്കാണ് പരിക്കേറ്റത്.

ഓട്ടോയില്‍ കാട്ടുപന്നി വന്നിടിക്കുകയായിരുന്നു.പിന്നാലെ ഓട്ടോ മറിഞ്ഞ് ഇരുവരും റോഡിലേക്ക് തെറിച്ചുവീണു.

അപകടത്തില്‍ പരിക്കേറ്റ ഇരുവരെയും സമീപത്തെ സ്വകാര്യ ആശുപത്രിയില്‍ പ്രവേശിപ്പിച്ചു.