അമൃത് സര്‍ : പഞ്ചാബില്‍ തരണ്‍ തരണ്‍ ജില്ലയില്‍ 55 കാരിയെ ക്രൂരമായി മര്‍ദ്ദിച്ച ശേഷം നഗ്നയാക്കി നടത്തി. ഇവരുടെ മകന്‍ അയല്‍വാസിയുടെ മകളെ പ്രണയിച്ച് വിവാഹം കഴിച്ചതിനെ തുടര്‍ന്ന് പെണ്‍കുട്ടിയുടെ ബന്ധുക്കളാണ് ആക്രമണം നടത്തിയത്. സംഭവത്തിന്റെ വീഡിയോ വൈറലായി.
മാര്‍ച്ച് 31 ന് തരണ്‍ തരണിലെ വാല്‍തോഹ ഗ്രാമത്തിലാണ് സംഭവം. വീട്ടില്‍ തനിച്ചായിരുന്ന സ്്ത്രീയെയാണ് ആക്രമിച്ചത്.സ്ത്രീയെ നഗ്നയാക്കി ഗ്രാമത്തിലൂടെ പരേഡും നടത്തി.
ആക്രമിക്കപ്പെട്ട സ്ത്രീയുടെ പരാതിയില്‍ പൊലീസ് കേസെടുത്തു.ജീവന്‍ നഗറിലെ താമസക്കാരിയായ സ്ത്രീയുടെ മകന്‍ ആകാശ്ദീപ് സിംഗ് അയല്‍വാസിയായ ബല്‍ദേവ് സിംഗിന്റെ മകളായ രമണ്‍ദീപ് കൗറിനെ പ്രണയിച്ച് വിവാഹം ചെയ്തതാണ് പ്രശ്‌നങ്ങള്‍ക്ക് ഇടയാക്കിയത്.ഫെബ്രുവരി 24ന് വീട്ടില്‍ നിന്നിറങ്ങിയ ഇരുവരും മാര്‍ച്ച് 9ന് വിവാഹിതരായി.
തനിക്ക് നേരിട്ട ദുരനുഭവം വിവരിച്ച് സ്ത്രീ പൊലീസില്‍ പരാതി നല്‍കിയ പ്രകാരമാണ് കേസെടുത്തത്. പെണ്‍കുട്ടിയുടെ മാതാവ് , സഹോദരന്‍ തുടങ്ങിയവരാണ് കേസിലെ പ്രതികള്‍. കേസില്‍ നാല് പേരെ ഇതിനകം അറസ്റ്റ് ചെയ്തിട്ടുണ്ട്.
പ്രതികരിക്കാൻ ഇവിടെ എഴുതുക: