കണ്ണൂര് : കാഞ്ഞിരക്കൊല്ലിയില് കാട്ടാന ആക്രമണത്തില് പരിക്കേറ്റ മാവോയിസ്റ്റ് ചിക്മംഗളൂരു സ്വദേശി സുരേഷ് കീഴടങ്ങി. മാവോയിസ്റ്റ് ആശയങ്ങള്ക്ക് ഇനി പ്രസക്തിയില്ലെന്ന് തിരിച്ചറിഞ്ഞാണ് കീഴടങ്ങുന്നതെന്ന് സുരേഷ് പറഞ്ഞു.
മാവോയിസ്റ്റായി 23 വര്ഷം പ്രവര്ത്തിച്ചിട്ടും ഒന്നും ചെയ്യാന് സാധിച്ചില്ല. നിരവധി മലയാളികള് മാവോയിസ്റ്റ് സംഘത്തില് ഉണ്ട്. സ്ത്രീകളും ഉള്പ്പെടുന്നുണ്ട്.
കാട്ടില് വച്ച് ആന കുത്തിയതോടെയാണ് തനിക്ക് പരിക്കേറ്റതെന്നും കീഴടങ്ങാന് നേരത്തെ ആലോചിച്ചിരുന്നുവെന്നും സുരേഷ് പറഞ്ഞു. ഫെബ്രുവരി പതിനാറിനാണ് കാഞ്ഞിരക്കൊല്ലിയില് കാട്ടാനയുടെ കുത്തേറ്റ് സുരേഷിന് പരിക്കേറ്റത്.ഇതോടെ ഇയാളെ ഉപേക്ഷിച്ച് ബാക്കിയുളള മാവോയിസ്റ്റുകള് കടന്നുകളഞ്ഞു. ചികിത്സക്ക് ശേഷം അറസ്റ്റിലായി കണ്ണൂര് സെന്ട്രല് ജയിലിലായിരുന്നു സുരേഷ്.
