മലപ്പുറം: നിലമ്പൂര് എംഎസ്പി ക്യാമ്പിന്റെ ചുറ്റുമതില് കാട്ടാനകള് തകര്ത്തു. മതിലിന്റെ നാല്പത് മീറ്ററിലേറെ ഭാഗമാണ് തകര്ത്തത്.
ഇന്ന് പുലര്ച്ചെയോടെയാണ് ആനക്കൂട്ടത്തിന്റെ ആക്രമണമുണ്ടായത്. മുകളില് കമ്പിവല തീര്ത്ത് രണ്ടാള് പൊക്കത്തില് പണിത മതിലാണ് ആനകള് തകര്ത്തത്.
മതിലിന് സമീപം ചാലിയാറിന്റെ തീരത്തായി കാട്ടാനകള് തമ്പടിക്കാറുണ്ട്.ഇക്കാരണത്താല് രാത്രിയായാല് ക്യാമ്പില് നിന്ന് പുറത്തിറങ്ങാന് കഴിയാത്ത സാഹചര്യമാണെന്ന് എംഎസ്പി അധികൃതര് വെളിപ്പെടുത്തി. മൂന്നൂറോളം പൊലീസുകാരും തെരഞ്ഞെടുപ്പ് ഡ്യൂട്ടിക്കായി എത്തിയ ഉദ്യോഗസ്ഥരുമാണ് ക്യാമ്പിലുളളത്.
