ജയ്പൂര് :ഓരോ സിക്സ് അടിക്കുന്നതിനും ആറ് വീടുകള്ക്ക് വീതം സോളാര് പവര് നല്കുമെന്ന് രാജസ്ഥാന് റോയല്സ്. ശനിയാഴ്ച റോയല് ചലഞ്ചേഴ്സ് ബാംഗ്ലൂരിനെതിരെ നടക്കുന്ന മത്സരത്തിലെ സിക്സറുകള്ക്കനുസരിച്ചാണ് രാജസ്ഥാന് റോയല്സിന്റെ പിങ്ക് പ്രോമിസ്.
രാജസ്ഥാന് റോയല്സിന്റെ ഹോം ഗ്രൗണ്ടായ സാവായ് മാന്സിംഗ് സ്റ്റേഡിയത്തില് നടക്കുന്ന മത്സരത്തില് പ്രത്യേക ജഴ്സി അണിഞ്ഞാവും റോയല്സ് കളിക്കുക.രാജസ്ഥാനിലെ സ്ത്രീ ശാക്തീകരണത്തോട് ഐക്യദാര്ഡ്യം പ്രകടിപ്പിച്ചാണ് ടീമിന്റെ പിങ്ക് പ്രോമിസ് ക്യാമ്പയിന്.
റോയല്സ് മാനേജ്മെന്റിന് കീഴിലുള്ള റോയല് രാജസ്ഥാന് ഫൗണ്ടേഷന് എന്ന സന്നദ്ധസംഘടനയുടെ കീഴിലാണ് ഈ ക്യാമ്പയിന്. രാജസ്ഥാനി വനിതകളുടെ പേര് പ്രിന്റ് ചെയ്ത ജഴ്സികളാവും മത്സരത്തില് ധരിക്കുക. പ്രത്യേക പിങ്ക് ജഴ്സിയുടെ വില്പന വഴി ലഭിക്കുന്ന പണം സംഘടനയ്ക്ക് നല്കും. മത്സരത്തിലെ ഓരോ ടിക്കറ്റിനും നൂറ് രൂപ വീതവും നല്കും.
ഐപിഎലില് ഇതുവരെ പരാജയമറിയാത്ത രാജസ്ഥാന് മൂന്ന് മത്സരങ്ങളില് നിന്ന് ആറ് പോയിന്റാണുളളത്. പോയിന്റ് പട്ടികയില് രാജസ്ഥാന് രണ്ടാമതാണ്. മൂന്ന് മത്സരങ്ങളില് മൂന്നും ജയിച്ച് ആറ് പോയിന്റ് തന്നെയുള്ള കൊല്ക്കത്തയാണ് പട്ടികയില് ഒന്നാമത്. മികച്ച നെറ്റ് റണ് റേറ്റാണ് കൊല്ക്കത്ത ഒന്നാമതാകാന് കാരണം.
