ദല്ഹി : ഇരുപത്തിയാറുകാരിയുടെ മൃതദേഹം താമസ സ്ഥലത്തെ അലമാരയില് കണ്ടെത്തി. ദക്ഷിണ ദല്ഹിയില് ദ്വാരകയിലാണ് സംഭവം.
ലിവ് ഇന് റിലേഷന്ഷിപ്പിലായിരുന്നു യുവതി.
മകളെ ബന്ധപ്പെടാന് കുറച്ചുദിവസങ്ങളായി ശ്രമിക്കുന്നുവെന്നും സാധിക്കുന്നില്ലെന്നും കാട്ടി യുവതിയുടെ പിതാവ് പൊലീസില് പരാതിപ്പെട്ടിരുന്നു. തുടര്ന്ന് യുവതി താമസിച്ചിരുന്ന ഫ്ലാറ്റില് പൊലീസ് പരിശോധനയ്ക്ക് എത്തിയപ്പോഴാണ് അലമാരയില് നിന്ന് മൃതദേഹം കണ്ടെടുത്തത്. ഇവരുടെ പങ്കാളിയായ ഗുജറാത്ത് സൂറത്ത് സ്വദേശിയെ കാണാനില്ലെന്ന് പൊലീസ് പറഞ്ഞു.
മകളെ പങ്കാളി കൊലപ്പെടുത്തിയതാണെന്നാണ് പിതാവിന്റെ ആരോപണം. പൊലീസ് ഇയാള്ക്കെതിരെ കൊലപാതകക്കുറ്റം ചുമത്തി കേസെടുത്തു.
