കോട്ടയം: മുണ്ടക്കയം ഇളംകാട് സ്വദേശിയായ യുവതിയെ കോട്ടയം നഗരമധ്യത്തിലെ ഹോസ്റ്റലില്‍ തൂങ്ങിമരിച്ചനിലയില്‍ കണ്ടെത്തി. ജില്ലാ ആശുപത്രിയ്‌ക്ക് എതിര്‍വശത്തുള്ള ഓണസ്റ്റി ലേഡീസ് ഹോസ്റ്റലില്‍ മുണ്ടക്കയം വലിയപുരയ്‌ക്കല്‍ വീട്ടില്‍ ശ്രുതിമോളെ (26) യാണ് മരിച്ച നിലയില്‍ കണ്ടത്. ഹോസ്റ്റലില്‍ താമസിച്ച് സി.എയ്‌ക്ക് പഠിക്കുകയായിരുന്നു. ഫെബ്രുവരിയിലായിരുന്നു കിടങ്ങൂര്‍ സ്വദേശിയുമായി ശ്രുതിയുടെ വിവാഹം. ചെന്നൈയിലായിരുന്ന ഭര്‍ത്താവ് വ്യാഴാഴ്ച രാത്രി പല തവണ വിളിച്ചെങ്കിലും ഫോണെടുത്തിരുന്നില്ല. തുടര്‍ന്ന് രാവിലെ നടത്തിയ അനേഷണത്തിലാണ് മരിച്ച നിലയില്‍ കണ്ടെത്തിയത്. വെസ്റ്റ് എസ്.എച്ച്.ഒ ശ്രീകുമാറിന്റെ നേതൃത്വത്തില്‍ പൊലീസ് സംഘം ഇന്‍ക്വസ്റ്റ് നടത്തി മൃതദേഹം ജില്ലാ ആശുപത്രി മോര്‍ച്ചറിയിലേക്ക് മാറ്റി. മരണകാരണം വ്യക്തമല്ല.
പ്രതികരിക്കാൻ ഇവിടെ എഴുതുക: