തൃശൂര്: മൂര്ക്കനാട് ശിവക്ഷേത്രത്തില് ഉത്സവത്തിനിടെ യുവാക്കള് തമ്മിലുളള സംഘര്ഷത്തില് ഒരാള് കുത്തേറ്റ് മരിച്ചു.വെളത്തൂര് മനക്കൊടി സ്വദേശി ചുള്ളിപറമ്പില് വീട്ടില് സുഭാഷ് ചന്ദ്രബോസിന്റെ മകന് അക്ഷയ് (25) ആണ് മരിച്ചത്.
ആക്രമണത്തില് 5 പേര്ക്ക് ഗുരുതര പരിക്ക്. മൂര്ക്കനാട് ആലുംപറമ്പില് ആണ് സംഭവം. മൂര്ക്കനാട് ശിവക്ഷേത്രത്തിലെ ഉത്സവത്തിന്റെ ഭാഗമായ വെടിക്കെട്ട് കഴിഞ്ഞതിന് തൊട്ട് പിന്നാലെയാണ് സംഭവം.വൈകിട്ട് 7 മണിയോടെയാണ് ആക്രമണം ഉണ്ടായത്.കുത്തേറ്റ 4 പേരെ തൃശൂര് എലൈറ്റ് ആശുപത്രിയിലും ഒരാളെ ഇരിങ്ങാലക്കുട സഹകരണ ആശുപത്രിയിലും പ്രവേശിപ്പിച്ചു.
ആനന്ദപുരം സ്വദേശി കൊല്ലപറമ്പില് ഷിജുവിന്റെ മകന് സഹില്, മൂര്ക്കനാട് സ്വദേശി കരിക്കപറമ്പില് പ്രജിത്ത്, കൊടകര സ്വദേശി മഞ്ചേരി വീട്ടില് മനോജ്, ആനന്ദപുരം സ്വദേശി പൊന്നിയത്ത് വീട്ടില് സന്തോഷ് ,തൊട്ടിപ്പാള് സ്വദേശി നെടുമ്പാള് വീട്ടില് നിഖില് എന്നിവരാണ് പരിക്കേറ്റ് ചികിത്സയിലുളളത്.
