കൊച്ചി: കേരള ബ്ലാസ്റ്റേഴ്സ് എഫ്സി ഇന്ന് ഈസ്റ്റ് ബംഗാളിനെതിരെ സ്വന്തം തട്ടകത്തില്‍. വൈകീട്ട് ഏഴരയ്‌ക്ക് കലൂര്‍ ജവഹര്‍ലാല്‍ നെഹ്രു സ്റ്റേഡിയത്തിലാണ് മത്സരം. ബ്ലാസ്റ്റേഴ്‌സിന്റെ കഴിഞ്ഞ മത്സരത്തിനിടെ പരിക്കേറ്റ ഇമ്മാനുവല്‍ ജസ്റ്റിന്‍ ഇനി ഈ സീസണില്‍ കളിക്കില്ല.
സീസണിലെ ആദ്യ പകുതിയില്‍ പോയിന്റ് പട്ടികയില്‍ ഒന്നാം സ്ഥാനക്കാരായാണ് ബ്ലാസ്റ്റേഴ്സ് നിലകൊണ്ടത്. ഒരുമാസത്തിലേറെ നീണ്ട ഇടവേളയ്‌ക്ക് ശേഷം ലീഗ് പുനരാരംഭിക്കുമ്പോള്‍ ബ്ലാസ്റ്റേഴ്സ് താരങ്ങളില്‍ പലരും പരിക്കിന്റെ പിടിയിലായി. ഇത് ടീമിനെ വല്ലാതെ ബാധിക്കാനും തുടങ്ങി. പരിക്ക് ഇപ്പോഴും ടീമിനെ പിന്തുടര്‍ന്നുകൊണ്ടിരിക്കുകയാണ്. ഏറ്റവും ഒടുവിലായി വിദേശ താരം ഇമ്മാനുവല്‍ ജസ്റ്റിനെയും നഷ്ടപ്പെട്ടു. കഴിഞ്ഞ മത്സരത്തില്‍ കേരളം നേടിയ ഗോളിന് അസിസ്റ്റ് ജസ്റ്റിന്റെതായിരുന്നു. അതിന് ശേഷമാണ് താരം പരിക്ക് പറ്റി പുറത്തായത്. ഇന്നലെ നടന്ന വാര്‍ത്താ സമ്മേളനത്തില്‍ ബ്ലാസ്റ്റേഴ്സ് പരിശീലകന്‍ ഇവാന്‍ വുക്കോമനോവിച്ച് ആണ് ജസ്റ്റിന്‍ ഇനി ഈ സീസണില്‍ കളിക്കിറങ്ങില്ലെന്ന് അറിയിച്ചത്.
ഇതുവരെയുള്ള 19 മത്സരങ്ങളില്‍ നിന്ന് പത്ത് വിജയങ്ങളുമായി ഒമ്പത് പോയിന്റ് ആണ് ബ്ലാസ്‌റ്റേഴ്‌സിനുള്ളത്. പട്ടികയില്‍ അഞ്ചാം സ്ഥാനത്താണ് ടീം. ഇന്ന് ജയിക്കാന്‍ സാധിച്ചാലും ഒരു സ്ഥാനം പോലും മെച്ചപ്പെടുത്താന്‍ ടീമിന് സാധിക്കില്ല.
പ്രതികരിക്കാൻ ഇവിടെ എഴുതുക: