അഞ്ചുതെങ്ങ്: കടലേറ്റ ഭീഷണി നേരിടുന്ന അഞ്ചുതെങ്ങില്‍ സന്ദര്‍ശനം നടത്തി ബിജെപി സ്ഥാനാര്‍ഥി വി.മുരളീധരന്‍. പൂത്തുറയില്‍ എത്തിയ അദ്ദേഹം വിഷയത്തില്‍ ഇടപെടാന്‍ സംസ്ഥാന സര്‍ക്കാരിന് കേന്ദ്രമന്ത്രാലയം നിര്‍ദേശം നല്‍കിയിട്ടുണ്ടെന്ന് പറഞ്ഞു.
താന്‍ നേരിട്ട് ഫിഷറീസ് മന്ത്രി പര്‍ഷോത്തം രൂപാലയെ കാര്യങ്ങള്‍ ധരിപ്പിച്ചിട്ടുണ്ടെന്ന് കേന്ദ്രമന്ത്രി കൂടിയായ സ്ഥാനാര്‍ഥി പ്രദേശവാസികളെ അറിയിച്ചു. പ്രദേശത്ത് കേന്ദ്ര ഉദ്യോഗസ്ഥ സംഘം സന്ദര്‍ശിക്കണമെന്ന് ആവശ്യപ്പെട്ടിട്ടുണ്ട്.
കടല്‍ഭിത്തി ഇല്ലാത്ത ഭാഗങ്ങളില്‍ കെട്ടണമെന്ന ആവശ്യമടക്കം അധികൃതരുടെ അവഗണന നേരിടുന്ന വിഷയങ്ങളും തീര്‍ദേശവാസികള്‍ ശ്രദ്ധയില്‍പ്പെടുത്തി. അഞ്ചുതെങ്ങ് നിവാസികളുടെ പരാതികളില്‍ അതിവേഗ നടപടി ഉറപ്പാക്കുമെന്ന് വി. മുരളീധരന്‍ പറഞ്ഞു. തീരദേശവാസികളുമായും അഞ്ചുതെങ്ങ് സെന്റ് റോക്കി ചര്‍ച്ച് ഫാദര്‍ ബീഡ് മനോജുമായും വി.മുരളീധരന്‍ കൂടിക്കാഴ്ച നടത്തി.
പ്രതികരിക്കാൻ ഇവിടെ എഴുതുക: