ചെങ്ങന്നൂര്: മാവേലിക്കരയില് പോരാട്ടം കനക്കുമ്പോള് ഇരുമുന്നണികളെയും ബഹുദൂരം പിന്നിലാക്കി മുന്നേറുകയാണ് എന്ഡിഎ സ്ഥാനാര്ഥി ബൈജു കലാശാല.
മണ്ഡലത്തിലെ മുക്കിലും മൂലയിലും വരെ വോട്ടര്മാരെ നേരില് കാണാനുള്ള തിരക്കിലാണ്. ഏഴ് നിയോജകമണ്ഡലങ്ങളിലും നാലിലേറെ തവണ പര്യടനം പൂര്ത്തിയാക്കിയതിന്റെ ആത്മവിശ്വാസവും പ്രമുഖവ്യക്തികളില് നിന്നും ഗുരുക്കന്മാരില് നിന്നും അനുഗ്രഹം ലഭിച്ചതും ശുഭപ്രതീക്ഷകളോടെയാണ് ബൈജു കലാശാല കാണുന്നത്. ഓരോ മേഖലയിലെയും ആവശ്യങ്ങളും ജനങ്ങളുടെ പ്രശ്നങ്ങള്ക്കുള്ള പരിഹാരങ്ങളും വ്യക്തമായി മനസിലാക്കിയാണ് സ്ഥാനാര്ഥി മുന്നോട്ടുപോ
കുന്നത്.
കൊട്ടാരക്കര കലയപുരം ആശ്രയ സങ്കേതത്തിലെ അന്തേവാസിയായ സൗമ്യയുടെയും ധനീഷിന്റെയും വിവാഹത്തില് പങ്കെടുക്കാന് സ്ഥാനാര്ഥി സമയം കണ്ടെത്തി. ആശ്രയയിലെത്തിയ സ്ഥാനാര്ത്ഥിയെ ഡയറക്ടര് കലയപുരം ജോസ് പൊന്നാട അണിയിച്ചാണ് സ്വീകരിച്ചത്. വിവാഹ സദ്യയിലും പങ്കെടുത്താണ് അദ്ദേഹം മടങ്ങിയത്. പിന്നീട് വിലക്കിത്തല നായര് സമാജം സംസ്ഥാന പ്രസിഡന്റ് പ്രദീപിനെ സന്ദര്ശിച്ചു.കൊട്ടാരക്കരയില് മരണ വീടുകള് സന്ദര്ശിച്ച് ബന്ധുക്കളെ ആശ്വസിപ്പിക്കാനും സ്ഥാനാര്ഥി മറന്നില്ല.
