കൊല്ക്കത്ത: ഇന്ത്യന് സൂപ്പര് ലീഗ്(ഐഎസ്എല്) ഫുട്ബോളില് ഇന്നലെ നടന്ന മത്സരത്തില് മോഹന് ബഗാന് സൂപ്പര് ജയന്റ്സിനെ ചെന്നൈയിന് എഫ്സി തോല്പ്പിച്ചു. ആവേശോജ്ജ്വലമായ പോരാട്ടത്തില് ജയപരാജയങ്ങള് മാറിമറിഞ്ഞു.
ഒടുവില് രണ്ടിനെതിരെ മൂന്ന് ഗോളുകള്ക്ക് ചെന്നൈയിന് വിജയിക്കുകയായിരുന്നു. ജയമുറപ്പിച്ച ചെന്നൈയിനെതിരെ ഇന്ജുറി ടൈമില് മോഹന് ബഗാന് സമനില നേടിയെങ്കിലും മത്സരം തീരും മുമ്പേ ചെന്നൈയിന് വിജയഗോള് സ്വന്തമാക്കി. കളിയുടെ ആദ്യ പകുതിയില് ജോനി കാവുകോയിലൂടെ മോഹന് ബഗാന് മുന്നിട്ടു നിന്നു.
