കോട്ടയം: ലോകത്തെ മൂന്നാമത്തെ സാമ്പത്തിക ശക്തിയായി ഭാരതത്തെ വളര്‍ത്തുകയാണ് പ്രധാനമന്ത്രി നരേന്ദ്രമോദിയുടെ ലക്ഷ്യമെന്ന് മുന്‍ ഗവര്‍ണറും ബി.ജെ.പി.നേതാവുമായ കുമ്മനം രാജശേഖരന്‍ പറഞ്ഞു. കോട്ടയം ലോക്‌സഭ മണ്ഡലം എന്‍.ഡി.എ തിരഞ്ഞെടുപ്പ് കണ്‍വെന്‍ഷന്‍ പാലായില്‍ ഉദ്ഘാടനം ചെയ്യുകയായിരുന്നു അദ്ദേഹം.
മോദിയുടെ കരങ്ങള്‍ക്ക് ശക്തിപകരാന്‍ എല്ലാ വിഭാഗം ജനങ്ങളും മുന്നോട്ടുവരണം. ബി.ജെ.പി സംസ്ഥാന സമിതി അംഗം രഞ്ജിത് ജി. മീനാഭവന്‍ അധ്യക്ഷത വഹിച്ചു. സ്ഥാനാര്‍ത്ഥി തുഷാര്‍ വെള്ളാപ്പള്ളി, ബി.ജെ.പി ദേശീയ നിര്‍വാഹ സമിതി അംഗം ഏറ്റുമാനൂര്‍ രാധാകൃഷ്ണന്‍, ജില്ലാ പ്രസിഡന്‌റ് ലിജിന്‍ ലാല്‍, മാത്യു സ്റ്റീഫന്‍, പ്രൊഫ. ബി.വിജയകുമാര്‍ തുടങ്ങിയവര്‍ പ്രസംഗിച്ചു.
അതേസമയം എന്‍.ഡി. എ സ്ഥാനാര്‍ത്ഥി തുഷാര്‍ വെള്ളാപ്പള്ളി ബുധനാഴ്ച പത്രിക സമര്‍പ്പിക്കും.ബി.ജെ.പിയിലെയും ബി.ഡി.ജെ.സിലെയും സമുന്നത നേതാക്കള്‍ പങ്കെടുക്കും.
പ്രതികരിക്കാൻ ഇവിടെ എഴുതുക: