തിരുവനന്തപുരത്തു നിന്ന് ബംഗളുരുവിലേക്ക് കൂടുതല്‍ വിമാന സര്‍വീസുകള്‍

തിരുവനന്തപുരം: ബംഗളുരുവിലേക്ക് തിരുവനന്തപുരത്തു നിന്ന് വിമാന സര്‍വീസുകളുടെ എണ്ണം വര്‍ദ്ധിക്കുന്നു. നാളെ മുതല്‍ വിസ്താര എയര്‍ലൈന്‍സ് രണ്ട് പ്രതിദിന സര്‍വീസുകള്‍ കൂടി ആരംഭിക്കും.

നിലവില്‍ ഈ റൂട്ടില്‍ ഇന്‍ഡിഗോ, എയര്‍ ഇന്ത്യ എക്‌സ്പ്രസ് എയര്‍ലൈന്‍സ് എന്നിവ ദിവസേന എട്ട് സര്‍വീസുകള്‍ നടത്തുന്നുണ്ട്. വിസ്താര കൂടി വരുന്നതോടെ ആകെ പ്രതിദിന സര്‍വീസുകളുടെ എണ്ണം 10 ആകും.

ആദ്യ വിമാനം (UK 524) രാവിലെ 5:55ന് തിരുവനന്തപുരത്ത് നിന്ന് പുറപ്പെട്ട് 07:15ന് ബെംഗളൂരുവില്‍ എത്തും. രാത്രി 10:40ന് ബെഗളുരുവില്‍ നിന്നും പുറപ്പെട്ട് 11:40ന് തിരുവനന്തപുരത്ത് തിരിച്ചെത്തും. രണ്ടാം വിമാനം (UK 525) രാവിലെ 8:15 ബെംഗളൂരുവില്‍ നിന്ന് പുറപ്പെട്ട് 9:30ന് തിരുവനന്തപുരത്ത് എത്തും. തിരിച്ച് രാവിലെ 10:10 ന് പുറപ്പെട്ട് 11:20ന് ബെംഗളൂരുവില്‍ എത്തും.