തിരുവനന്തപുരം: പൂക്കോട് വെറ്റനിറി സര്‍വ്വകലാശാലയിലെ സിദ്ധാര്‍ത്ഥന്റെ മരണത്തിലെ സിബിഐ അന്വേഷണം അട്ടിമറിക്കാനുള്ള ശ്രമത്തിനെതിരെ ക്‌ളിഫ് ഹൗസിനു മുന്നില്‍ സമരം നടത്തുമെന്ന് അച്ഛന്‍ ജയപ്രകാശ് പറഞ്ഞു. കേരള സര്‍ക്കാര്‍ ചതിച്ചു. മുഖ്യമന്ത്രി പിണറായി വിജയന്‍ സിബിഐ അന്വേഷണം ഇപ്പോ തരാം എന്നു പറഞ്ഞു പറ്റിച്ചു. പൊലിസ് അന്വേഷണം അട്ടിമറിച്ചു. ഹോസ്റ്റലില്‍ എസ്എഫ്‌ഐ സംസ്ഥാന സെക്രട്ടറി പി.എം.ആര്‍ഷോ വരാറുണ്ടായിരുന്നെന്ന് സിദ്ധാര്‍ഥന്‍ പറഞ്ഞിരുന്നതായും പിതാവ് അറിയിച്ചു
സിദ്ധാര്‍ത്ഥനെ ചതിച്ച പെണ്‍കുട്ടികളെ അസ്റ്റ് ചെയ്തില്ല. എം എം മണി സംരക്ഷിക്കുന്ന അക്ഷയെ തുറന്നു വിടണം. എന്തിനാണ് അവനെ എം.എം.മണി സംരക്ഷിക്കുന്നത്. അവനെ അറസ്റ്റ് ചെയ്യട്ടേ.
സിബിഐ അന്വേഷണം അട്ടിമറിക്കാനായി തട്ടിക്കൂട്ടിയ ഒരു പേപ്പര്‍ ഡല്‍ഹിയില്‍ കൊണ്ടുപോയെന്നു പറയുന്നു. ഞാന്‍ 20 ദിവസമായി കയറി ഇറങ്ങി നടന്നിട്ടും കിട്ടാത്ത ഒരു പേപ്പര്‍ രണ്ടു മൂന്നൂ മണിക്കൂറു കൊണ്ട് കിട്ടിയെന്ന്. അതു കഴിഞ്ഞപ്പോള്‍ ഒരു പ്രഹസനം. പെട്ടെന്നൊരു ആഭ്യന്തര മന്ത്രാലയത്തിന്റെ അന്വേഷണം, മൂന്നു പേരുടെ സസ്‌പെന്‍ഷന്‍. ഇങ്ങനെ കണ്ണില്‍ പൊടിയിട്ടിട്ട് ചുമ്മാതിരിക്കാമെന്ന് കരുതിയോ. അങ്ങനെ നടപടിയെടുക്കുന്നുണ്ടെങ്കില്‍ അത് ആദ്യം മുതിര്‍ന്ന ഉദ്യോഗസ്ഥര്‍ക്കെതിരെ വേണം. ഇത്രയും സെന്‍സേഷനലായ കേസിന്റെ പേപ്പര്‍ എന്തുകൊണ്ട് അയച്ചില്ല എന്ന് അവരല്ലെ ചോദിക്കേണ്ടത്. ചീഫ് സെക്രട്ടറിയോ അഡീഷനല്‍ ചീഫ് സെക്രട്ടറിയോ ആരോണോ ഇതുമായി ബന്ധപ്പെട്ട് കിടക്കുന്നത് അവരോടല്ലേ ചോദിക്കേണ്ടത്. അവരല്ലെ കുറ്റക്കാര്‍. അവര് കുറ്റക്കാരാകുമ്പോ ആഭ്യന്തര മന്ത്രിയല്ലേ കുറ്റക്കാരന്‍.
ആര്‍ഷോ ചേട്ടന്‍ അവിടെ വന്നിട്ടുണ്ടെന്ന് എന്റെ മകന്‍ പറഞ്ഞിട്ടുണ്ട്. എട്ടു മാസം എന്റെ മകനെ ഉപദ്രവിക്കുമ്പോള്‍ ഈ ആര്‍ഷോ അത് കണ്ട് രസിക്കുവായിരുന്നില്ലേ. മാവോയിസ്റ്റുകള്‍ക്ക് കിട്ടിയ അതേ ട്രെനിങ്ങാണ് അവര്‍ക്കും കിട്ടിയത്. ഒരു ശരീരം മുറിവില്ലാതെ എങ്ങനെ ചതച്ച് ഇല്ലാതാക്കാം എന്നുള്ള ട്രെയിനിങ്ങാ ഈ എസ്എഫ്‌ഐക്കാര്‍ക്കും കിട്ടിയത്. അവരിതിന് ഉത്തരം പറഞ്ഞേ പറ്റൂ. ആഭ്യന്തര മന്ത്രാലയം ഉത്തരം പറയണം. അല്ലെങ്കില്‍ ഞാന്‍ പ്രതിഷേധവുമായി ഇറങ്ങും” ജയപ്രകാശ് പറഞ്ഞു.
കേസില്‍ ഉള്‍പ്പെട്ട പെണ്‍കുട്ടികള്‍, അക്ഷയ് എന്നിവരെ അറസ്റ്റ് ചെയ്യാതിരിക്കുകയും ഡീനിനെതിരെ നടപടി എടുക്കുകയും ചെയ്യാതിരുന്നാല്‍ ഉറപ്പായും ഞാന്‍ ക്ലിഫ് ഹൗസിനു മുന്നില്‍ സമരം തുടങ്ങും.
പ്രതികരിക്കാൻ ഇവിടെ എഴുതുക: