ട്രെയിനിടിച്ച് യുവാവ് മരിച്ചു; അപകടം നടന്നത് വര്‍ക്കലയില്‍

തിരുവനന്തപുരം: വര്‍ക്കലയില്‍ ട്രെയിനിടിച്ച് യുവാവ് മരിച്ചു. മണമ്പൂര്‍ ശങ്കരന്‍മുക്ക് സ്വദേശി വൈശാഖ് (36) ആണ് മരിച്ചത്.

ഇന്ന് ഉച്ചയ്‌ക്ക് 1. 25 നാണ് അപകടം. കൊല്ലം ഭാഗത്തേക്ക് പോയ കൊച്ചുവേളി യശ്വന്തപൂര്‍ എക്‌സ്പ്രസാണ് ഇയാളെ ഇടിച്ചിട്ടത്.

റെയില്‍വേ പാളം മുറിച്ച് കടക്കവെ ട്രെയിന്‍ ഇടിക്കുകയായിരുന്നുവെന്നാണ് പൊലീസ് നിഗമനം. മൃതദേഹം വര്‍ക്കല താലൂക്ക് ആശുപത്രിയില്‍.