ദൽഹിയിലെ മെട്രോ സ്റ്റേഷൻ തൂണിൽ ഖാലിസ്ഥാൻ അനുകൂല ചുവരെഴുത്ത് : എഫ്ഐആർ രജിസ്റ്റർ ചെയ്തു

ന്യൂദൽഹി: പടിഞ്ഞാറൻ ദൽഹിയിലെ പഞ്ചാബി ബാഗ് മെട്രോ സ്റ്റേഷന്റെ തൂണിൽ വ്യാഴാഴ്ച രാവിലെ ഖാലിസ്ഥാൻ അനുകൂല ചുവരെഴുത്തുകൾ കണ്ടെത്തി. ഇതെ തുടർന്ന് ദൽഹി പൊലീസ് എഫ്ഐആർ രജിസ്റ്റർ ചെയ്തു.

പഞ്ചാബി ബാഗ് മെട്രോ സ്റ്റേഷന്റെ തൂണിലെ ചുവരെഴുത്തിനെക്കുറിച്ച് രാവിലെ 9:30 ഓടെ പോലീസിന് ഒരു കോൾ ലഭിച്ചതായി ഒരു ഉദ്യോഗസ്ഥൻ പറഞ്ഞു. തുടർന്ന് പോലീസ് നടത്തിയ അന്വേഷണത്തിൽ തൂണിൽ ചുവരെഴുത്ത് കണ്ടെത്തുകയായിരുന്നു. സംഭവത്തിന്റെ പശ്ചാത്തലത്തിൽ ദൽഹിയിൽ പോലീസ് പട്രോളിങ് ശക്തമാക്കി.

മുഖ്യമന്ത്രി അരവിന്ദ് കെജ്‌രിവാളിന്റെ ഖാലിസ്ഥാൻ ബന്ധം സംബന്ധിച്ച് വാർത്തകൾ വന്നതിന് ശേഷമാണ് ഇത്തരത്തിൽ ഒരു സംഭവം അരങ്ങേറുന്നത്.