കോട്ടയം: കൂട്ടിക്കല്‍ വെട്ടിക്കാനം എല്‍.പി സ്‌കൂളില്‍ നിന്ന് ചൊവ്വാഴ്ച ഉച്ചയോടെ കാണാതായ കുട്ടികളെ കിട്ടി. പ്ലാപ്പള്ളിക്ക് സമീപത്തുള്ള റമ്പൂട്ടാന്‍ തോട്ടത്തില്‍ നിന്നാണ് കുട്ടികളെ കണ്ടെത്തിയത്. നാലാം ക്ലാസില്‍ പഠിക്കുന്ന രണ്ട് കുട്ടികളെയാണ് കാണാതായത്.
ഏന്തയാര്‍ കപ്പിലാമൂട്, കുറ്റിപ്ലാങ്ങാട് സ്വദേശികളാണ് കുട്ടികള്‍. കാണാതായെന്ന് അറിഞ്ഞതുമുതല്‍ നാട്ടുകാരുടെയും പൊലീസിന്റേയും നേതൃത്വത്തില്‍ തെരച്ചില്‍ നടന്നുവരികയായിരുന്നു. സോഷ്യല്‍ മീഡിയയിലും കുട്ടികളുടെ ചിത്രം വച്ച് വാര്‍ത്തകള്‍ വന്നു .
കുട്ടികളെ തട്ടിക്കൊണ്ടുപോകുന്ന സംഭവങ്ങള്‍ വ്യാപകമായതിനാല്‍ രക്ഷിതാക്കളും നാട്ടുകാരും ഭീതിയിലായിരുന്നു. ഈ കുട്ടികളെ ആരും തട്ടിക്കൊണ്ടുപോയതല്ല, സ്വമേധയാ പോയതാണെന്നാണ് പ്രാഥമിക വിവരം.
പ്രതികരിക്കാൻ ഇവിടെ എഴുതുക: