കൊച്ചി : മൂന്നാറിലെ കയ്യേറ്റത്തില്‍ സംസ്ഥാന സര്‍ക്കാരിന് ഹൈക്കോടതിയുടെ വിമര്‍ശനം. കയ്യേറ്റം ഒഴിപ്പിക്കലില്‍ സര്‍ക്കാരിന് ആത്മാര്‍ത്ഥത ഇല്ലെന്ന് കോടതി കുറ്റപ്പെടുത്തി.
ഈ സാഹചര്യത്തില്‍ സിബിഐ അന്വേഷണം വേണമോയെന്ന് പരിശോധിക്കുമെന്ന് ഹൈക്കോടതി പറഞ്ഞു.14 വര്‍ഷമായി കയ്യേറ്റം ഒഴിപ്പിക്കല്‍ നടപടി മുന്നോട്ടുപോകുന്നില്ലെന്ന് ഹൈക്കോടതി ചൂണ്ടിക്കാട്ടി.
വീഴ്ച വിശദീകരിക്കാന്‍ നാളെ ഉച്ചയ്‌ക്ക് റവന്യൂ പ്രിന്‍സിപ്പല്‍ സെക്രട്ടറി ഹാജകരാകണമെന്നും നിര്‍ദേശമുണ്ട്.കളക്ടറുടെ അധ്യക്ഷതയില്‍ ഒരു മോണിറ്ററിംഗ് കമ്മിറ്റി രൂപീകരിച്ച് ഒഴിപ്പിക്കല്‍ നടപടികള്‍ക്കാവശ്യമായ പൊലീസ് സംവിധാനങ്ങള്‍ ഉള്‍പ്പെടെയുള്ളവ നല്‍കണമെന്ന് മൂന്നാറിന് വേണ്ടി രൂപീകരിച്ച പ്രത്യേക ബെഞ്ചിന്റെ നിര്‍ദേശമുണ്ടായിരുന്നു. എന്നാല്‍ ഈ നിര്‍ദേശത്തിന്‍മേല്‍ യാതൊരു പുരോഗതിയും ഇല്ലെന്നാണ് കോടതി നിരീക്ഷിച്ചത്.
പ്രതികരിക്കാൻ ഇവിടെ എഴുതുക: