തൃശൂര്: ചാലക്കുടി പരിയാരം സ്വദേശി വര്ഗീസിനെ (54) കൊലപ്പെടുത്തിയതാണെന്ന് തെളിഞ്ഞു. സംഭവത്തില് മകന് പോളിനെ (24) പൊലീസ് അറസ്റ്റ് ചെയ്തു.
ലഹരിയ്ക്കടിമയാണ് പോള്. ഇയാള് പിതാവിനെ തലയ്ക്കടിച്ച് കൊന്നതാണെന്ന് പൊലീസ് കണ്ടെത്തല്.
കഴിഞ്ഞ ഞായറാഴ്ച രാത്രിയായിരുന്നു വര്ഗീസ് മരിച്ചത്. ചവിട്ടുപടിയില് നിന്ന് താഴെ വീണ് മരിച്ചെന്നാണ് ആദ്യം കരുതിയിരുന്നത്.
എന്നാല് തലയിലും മുഖത്തും മര്ദ്ദനമേറ്റെന്ന് പോസ്റ്റ്മോര്ട്ടത്തില് കണ്ടെത്തിയപ്പോള് പൊലീസ് കൂടുതല് അന്വേഷണം നടത്തി.വീട്ടുജോലിക്കാരനെ ചോദ്യം ചെയ്തതോടെയാണ് കൊലപാതകം വ്യക്തമായത്. മദ്യലഹരിയില് എത്തിയ മകന്, പിതാവിനെ മര്ദ്ദിക്കുകയും തലയ്ക്കടിയേറ്റപ്പോള് ചവിട്ടു പടിയില് നിന്ന് താഴെ വീഴുകയുമായിരുന്നു.
ഭാര്യയുമായി വേര്പിരിഞ്ഞ് കഴിയുകയായിരുന്നു വര്ഗീസ്. പ്രതിയായ മകനെ പൊലീസ് അറസ്റ്റ് ചെയ്തു.
