തിരുവനന്തപുരം: സാമ്പത്തിക പ്രതിസന്ധി രൂക്ഷമായ പശ്ചാത്തലത്തില് തെരഞ്ഞെടുപ്പ് പ്രചാരണത്തിന് പണമില്ലാതെ വലയുന്ന കോണ്ഗ്രസ് കൂപ്പണ് പിരിവിനിറങ്ങുന്നു. കൂപ്പണ് അടിച്ച് ഉടന് തന്നെ വിതരണം ചെയ്യാനാണ് കെ പി സി സി നീക്കം.
പിസിസികളും സ്ഥാനാര്ഥികളും സ്വന്തം നിലയ്ക്ക് പണം കണ്ടെത്തണമെന്ന എഐസിസി തീരുമാനത്തിന് പിന്നാലെയാണ് കെപിസിസിയുടെ നീക്കം.
സാധാരണയായി മൂന്നു ഘട്ടമായാണ് ഹൈക്കമാന്റ് സ്ഥാനാര്ത്ഥികള്ക്ക് സഹായം നല്കിയിരുന്നത്. പ്രചരണ സാമഗ്രി തയാറാക്കല്, സ്ഥാനാര്ത്ഥികളുടെ പര്യടനം, നേതാക്കളുടെ പര്യടനം എന്നിവയ്ക്ക് വേണ്ടിയായിരുന്നു പണം നല്കിയിരുന്നത്.
ഇത്തവണ ആദ്യഘട്ട പണം പോലും ഇതുവരെ ലഭിച്ചിട്ടില്ല.ആദായ നികുതി കണക്കുകള് സമര്പ്പിക്കുന്നതില് വീഴ്ച വരുത്തിയതിനെ തുടര്ന്ന് കോണ്ഗ്രസിന്റെ അക്കൗണ്ടുകള് മരവിപ്പിച്ചതാണ് സാമ്പത്തിക പ്രതിസന്ധിക്ക് കാരണം. തെരഞ്ഞെടുപ്പ് കാലത്ത് പിരിവ് തിരിച്ചടിയാകുമെന്ന് ഒരു വിഭാഗം അഭിപ്രായപ്പെട്ടെങ്കിലും റ്റു മാര്ഗങ്ങളില്ല എന്നാണ് നേതാക്കളുടെ നിലപാട്. തെരഞ്ഞെടുപ്പ് പ്രചാരണത്തിന് വീടു കയറുന്നതിനൊപ്പം പണപ്പിരിവ് കൂടി നടത്താം എന്നതാണ് നിലവിലെ തീരുമാനം.
പ്രതികരിക്കാൻ ഇവിടെ എഴുതുക: