തൃശൂര്: ലോക്സഭ തെരഞ്ഞെടുപ്പ് ബോധവല്ക്കരണത്തിന് റോബോട്ടുകളും. തൃശൂര് ജില്ലയിലെ തെരഞ്ഞെടുപ്പ് പ്രചാരണ പരിപാടികള്ക്ക് ജില്ലാ ഭരണകൂടം റോബോട്ടുകളെ രംഗത്തിറക്കി. തെരഞ്ഞെടുപ്പിലേക്ക് മുഴുവന് വോട്ടര്മാരെയും ആകര്ഷിച്ച് വോട്ടര്മാരില് തെരഞ്ഞെടുപ്പ് അവബോധം സൃഷ്ടിക്കാനുള്ള സ്വീപ് പ്രചാരണ പ്രവര്ത്തനങ്ങള്ക്കാണ് റോബോട്ടുകളെ ഉപയോഗിക്കുന്നത്.
പരിപാടി സംസ്ഥാനത്തെ മുഖ്യ തെരഞ്ഞെടുത്ത് ഓഫീസര് സഞ്ജയ് കൗള് ഉദ്ഘാടനം ചെയ്തു.ജില്ലയിലെ പ്രധാന മാളുകളിലും പരിസരങ്ങളിലും ലോക്സഭ തെരഞ്ഞെടുപ്പ് പ്രചാരണത്തിന് റോബോട്ടുകളെ പ്രയോജനപ്പെടുത്തുമെന്ന് തൃശൂര് ജില്ലാ കളക്ടര് കൃഷ്ണ തേജ വ്യക്തമാക്കി. വിവിധ ബോധവല്ക്കരണ വീഡിയോകള് റോബോട്ട് വഴി പ്രദര്ശിപ്പിക്കും. റോബോട്ടിനൊപ്പം സെല്ഫി എടുക്കാന് പൊതുജനങ്ങള്ക്ക് അവസരം ഒരുക്കും.
ചടങ്ങില് അഡീഷണല് തെരഞ്ഞെടുപ്പ് ഓഫീസര്മാരായ ഡോ. അദീല അബ്ദുല്ല, വി ആര് പ്രേംകുമാര്, എറണാകുളം ജില്ലാ കളക്ടര് എന് എസ് കെ ഉമേഷ് തുടങ്ങിയവര് പങ്കെടുത്തു. റോബോട്ടുകളെ ഉപയോഗിച്ചുള്ള തെരഞ്ഞെടുപ്പ് ബോധവല്ക്കരണം വലിയ ജനശ്രദ്ധയാകര്ഷിക്കും എന്നാണ് അധികൃതരുടെ പ്രതീക്ഷ.
