കൊല്ലം : ചവറ കൊറ്റംകുളങ്ങര ക്ഷേത്രത്തില് ഉത്സവത്തിനിടെ ഉണ്ടായ തിക്കിലും തിരക്കിലും അഞ്ചുവയസുകാരി മരിച്ചു. ചമയവിളക്കിനോട് അനുബന്ധിച്ച് വണ്ടിക്കുതിര വലിക്കുന്നതിനിടെ ഉണ്ടായ തിക്കിലും തിരക്കിലും പെട്ടാണ് കുട്ടി മരിച്ചത്.
ചവറ വടക്കുംഭാഗം പാറശേരി തെക്കതില് വീട്ടില് രമേശന്- ജിജി ദമ്പതികളുടെ മകള് ക്ഷേത്രയാണ് മരിച്ചത്. പുലര്ച്ചെ 12 മണിയോടെയാണ് അപകടം സംഭവിച്ചത്.
കടത്താറ്റുവയലില് നടന്ന കെട്ടുകാഴ്ചയ്ക്കിടെ നാല് ചക്രങ്ങളുള്ള വണ്ടിക്കുതിര നിയന്ത്രണം തെറ്റി. ഇതിനിടെയുണ്ടായ തിരക്കില് അച്ഛന്റെ കൈയിലിരുന്ന കുഞ്ഞ് അപകടത്തില്പെടുകയായിരുന്നു. ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
