ന്യൂയോർക്കിൽ ‘ബിഹാർ ദിവസ്’ സംഘടിപ്പിച്ചു : നാല് പ്രമുഖ പ്രവാസി അംഗങ്ങളെ ആദരിച്ചു

ന്യൂയോർക്ക്: മികച്ച നേട്ടങ്ങൾക്കും സംഭാവനകൾക്കും ബിഹാറിൽ നിന്നുള്ള ഇന്ത്യൻ-അമേരിക്കൻ പ്രവാസികളിലെ നാല് പ്രമുഖരെ ‘ബിഹാർ ദിവസ്’ വേളയിൽ ആദരിച്ചു.

ഹോൾടെക് ഇൻ്റർനാഷണലിന്റെ സ്ഥാപകനും സിഇഒയുമായ ഡോ. ക്രിസ് സിംഗ്, വിപ്രോയുടെ ചീഫ് ഓപ്പറേറ്റിംഗ് ഓഫീസർ അമിത് ചൗധരി, പ്രാൻ മെഡിക്കൽ ഗ്രൂപ്പിന്റെ സ്ഥാപകൻ ഡോ. ദിനേശ് രഞ്ജൻ, ന്യൂട്രിവെറ്റ് ഫാംകെയർ ഡയറക്ടർ അഭിനവ് അതുൽ എന്നിവർക്കാണ് ‘ബിഹാർ വിശ്വ ഗൗരവ് സമ്മാന്’ നൽകി ആദരിച്ചത്.

ബിഹാർ ഫൗണ്ടേഷൻ യുഎസ്എ, ഈസ്റ്റ് കോസ്റ്റ് ചാപ്റ്റർ, ബീഹാർ ജാർഖണ്ഡ് അസോസിയേഷൻ ഓഫ് നോർത്ത് അമേരിക്ക (ബിജെഎഎൻഎ) എന്നിവയുടെ പങ്കാളിത്തത്തോടെ ന്യൂയോർക്കിലെ ഇന്ത്യൻ കോൺസുലേറ്റ് ജനറലാണ് പരിപാടി സംഘടിപ്പിച്ചത്.

ന്യൂക്ലിയർ വേസ്റ്റ് മാനേജ്‌മെൻ്റ് മേഖലയിലെ സംഭാവനകൾക്ക് അംഗീകാരം ലഭിച്ച സിംഗ്, ഒരു മികച്ച കണ്ടുപിടുത്തക്കാരനാണ്. അദ്ദേഹത്തിന് യുഎസിൽ 170 പേറ്റൻ്റുകൾ അനുവദിച്ചിട്ടുണ്ട്.