കോട്ടയം: എംജി സർവകലാശാലയിലെ പഠന വകുപ്പുകളിലും ഇന്റർ സ്‌കൂൾ സെന്ററുകളിലും നടത്തുന്ന വിവിധ കോഴ്സുകളിലേക്ക് പ്രവേശനത്തിനുള്ള അപേക്ഷ ക്ഷണിച്ചു. എംഎ, എംഎസ്സി,എംപിഇഎഡ്,എംബിഎ എന്നീ പ്രോഗ്രാമുകളിലേക്കുള്ള 2024 അദ്ധ്യായന വർഷത്തേക്കുള്ള പ്രവേശനത്തിനാണ് അപേക്ഷ ക്ഷണിച്ചിരിക്കുന്നത്.
താത്പര്യമുള്ള ഉദ്യോഗാർത്ഥികൾക്ക് മാർച്ച് 30 വരെ ഓൺലൈൻ മുഖേന രജിസ്റ്റർ ചെയ്യാവുന്നതാണ്. വിവിധ പ്രോഗ്രാമുകൾ, യോഗ്യത, പ്രവേശന നടപടികൾ, സീറ്റുകളുടെ എണ്ണം, പരീക്ഷാ ഷെഡ്യൂൾ എന്നീ വിവരങ്ങൾക്ക് www.cat.mgu.ac.in എന്ന വെബ്സൈറ്റ് സന്ദർശിക്കുക. അവസാന സെമസ്റ്റർ ബിരുദ വിദ്യാർത്ഥികൾക്കും അപേക്ഷിക്കാവുന്നതാണ്.
സർവകലാശാല നിശ്ചയിക്കുന്ന തീയതിക്കുള്ളിൽ യോഗ്യത നേടുന്നവർക്കാണ് ഇതിന് അവസരം. പ്രവേശന പരീക്ഷയായ കാറ്റ് മെയ് 17,18 എന്നീ തീയതികളിൽ നടക്കും. തിരുവനന്തപുരം, കോട്ടയം, എറണാകുളം, കോഴിക്കോട്, കണ്ണൂർ എന്നീ ജില്ലകളിലാണ് പരീക്ഷാ കേന്ദ്രങ്ങളുണ്ടാകുക. ഫോൺ: 0481-273359, ഇ-മെയിൽ: [email protected]. എം.ബി.എ. പ്രോഗ്രാം സംബന്ധിച്ച വിവരങ്ങൾക്ക്: 0481-2733367, [email protected].
പ്രതികരിക്കാൻ ഇവിടെ എഴുതുക: