തിരുവനന്തപുരം: നാട്ടില്‍ ഭീതിവിതച്ച് ആളെക്കൊല്ലി ടിപ്പറുകളുടെ മരണപ്പാച്ചില്‍ ആവര്‍ത്തിക്കുന്നു. ആവര്‍ത്തിക്കുന്ന അപകടങ്ങളില്‍ ആശങ്കയും പ്രതിഷേധവും ഉയരുന്നതിനിടയില്‍ കാട്ടാക്കടയില്‍ വീണ്ടും ടിപ്പര്‍ അപകടം. സ്‌കൂട്ടര്‍ യാത്രികനായ യുവാവിനെ ഇടിച്ച ശേഷം 100 മീറ്ററോളം വലിച്ചിഴച്ചുകൊണ്ടുപോയി.
കാട്ടാക്കട നക്രാംചിറയിലായിരുന്നു അപകടമുണ്ടായത്. ഗുരുതര പരിക്കുകളോടെ സ്‌കൂട്ടര്‍ യാത്രികനായ യുവാവിനെ പേയാട് നെയ്യാര്‍ മെഡിസിറ്റി ആശുപത്രിയില്‍ പ്രവേശിച്ചു. അപകടത്തില്‍ യുവാവിന് മുഖത്തും കൈകളിലും കാലുകളിലും ഗുരുതര പരിക്കാണ് യുവാവിന് സംഭവിച്ചത്.
യുവാവിന്റെ കൈക്കും കാലിനും ഒടിവുണ്ട്. ഇന്നലെ ഉച്ചയ്‌ക്ക് രണ്ടരയോടെ ആയിരുന്നു അപകടം. കാട്ടാക്കട പാലേലിയിലുള്ള ക്വാറിയില്‍ പാറ എടുക്കാന്‍ പോയ ടിപ്പര്‍ ആണ് സ്‌കൂട്ടറില്‍ ഇടിച്ചത്. സ്‌കൂട്ടറും ടിപ്പറും സമാന്തരമായി പോകുകയായിരുന്നു. ഇതിനിടെ പലേലി റോഡിലേക്ക് ടിപ്പര്‍ തിരിക്കവെ വശത്ത് കൂടെ വന്ന സ്‌കൂട്ടറിനെ ഇടിച്ചിട്ടു.
കഴിഞ്ഞ ദിവസം പനവിള ജംഗ്ഷനിലുണ്ടായ ടിപ്പര്‍ അപകടത്തില്‍ അധ്യാപകന് ജീവന്‍ നഷ്ടപ്പെട്ടിരുന്നു. ടിപ്പറില്‍ നിന്ന് കല്ല് തെറിച്ചുവീണ് ബിഡിഎസ് വിദ്യാര്‍ത്ഥിയായ അനന്തു മരിച്ചത് വിഴിഞ്ഞത്ത് മരിച്ചിരുന്നു. ഒരാഴ്ചയ്‌ക്കിടെയുണ്ടാകുന്ന മൂന്നാമത്തെ അപകടമാണിത്. നഗരത്തില്‍ ടിപ്പറിന് നിയന്ത്രണമേര്‍പ്പെടുത്തിയതിന് ശേഷവും അപകടങ്ങള്‍ ആവര്‍ത്തിക്കുന്നത് ആശങ്ക വര്‍ധിപ്പിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: