തിരുവനന്തപുരം : വേനല്‍ ചൂടിന് ആശ്വാസമായി കേരളത്തില്‍ പലയിടത്തും മഴ ലഭിച്ചു. തിരുവനന്തപുരം നഗരത്തില്‍ രാത്രി 9 മണിയോടെ ശക്തമായ മഴയാണ് പെയ്തത്.
കോട്ടയം ജില്ലയുടെ കിഴക്കന്‍ മേഖലയില്‍ ഉച്ചക്ക് ശേഷം ശക്തമായ മഴ പെയ്തു. പാലാ, ഭരണങ്ങാനം, പൂഞ്ഞാര്‍ , മേലുകാവ് , ഈരാറ്റുപേട്ട മേഖലകളിലാണ് മഴ പെയ്തത്.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം ജില്ലകളില്‍ മഴ മുന്നറിയിപ്പുണ്ട്. ഒറ്റപ്പെട്ടയിടങ്ങളില്‍ ഇടിമിന്നലോട് കൂടിയ നേരിയതോ മിതമായതോ ആയ മഴയ്‌ക്കും മണിക്കൂറില്‍ 40 കിലോമീറ്റര്‍ വരെ വേഗതയില്‍ വീശിയേക്കാവുന്ന ശക്തമായ കാറ്റിനും സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് അറിയിച്ചത്.
പ്രതികരിക്കാൻ ഇവിടെ എഴുതുക: