ഒന്നേകാൽ കിലോ കഞ്ചാവുമായി അന്യ സംസ്ഥാന തൊഴിലാളി അറസ്റ്റിൽ

ആലുവ : ഒന്നേകാൽ കിലോയോളം കഞ്ചാവുമായി മൂർഷിദാബാദ് സ്വദേശി ഗോപാൽ ചന്ദ്ര പ്രമാണിക്ക് (40) നെ കാലടി പോലീസ് പിടികൂടി. തിരുവൈരാണിക്കുളം കൂട്ടിക്കൽ കടവിന് സമീപത്തു നിന്നും ഇൻസ്പെക്ടർ കെ.ഷിജിയുടെ നേതൃത്വത്തിലാണ് പിടികൂടിയത്.

ബുധനാഴ്‌ച്ച വൈകീട്ട് കഞ്ചാവ് വിൽപ്പനക്ക് എത്തിച്ചപ്പോഴാണ് ഇയാൾ അറസ്റ്റിലാകുന്നത്. ഓടിരക്ഷപ്പെടാൻ ശ്രമിച്ച പ്രതിയെ ഏറെദൂരം പിൻതുടർന്നാണ് പിടികൂടിയത്. മുർഷിദാബാദിൽ നിന്നാണ് കഞ്ചാവ് എത്തിക്കുന്നത്. സഞ്ചിയിൽ പ്ലാസ്റ്റിക്ക് കവറിലാക്കി അഥിതി തൊഴിലാളികൾക്കിടയിൽ വിൽപ്പനയായിരുന്നു ലക്ഷ്യം.

എസ് ഐമാരായ കെ.ജെ.ജോബി, ഒ.എ.ഉണ്ണി, എ എസ് ഐ കെ.കെ.ബിജു, സീനിയർ സി പി ഒ മാരായ ഷൈജു അഗസ്റ്റിൻ, പി,എ.ഷംസു, എം.ആർ.രഞ്ജിത്ത്, രഞ്ജിത്ത് രാജൻ, എം.പി.എൽദോസ് എന്നിവരും അന്വേഷണ സംഘത്തിൽ ഉണ്ടായിരുന്നു .